СЭЎЛ. Урад Паўночнай Карэі абвясьціў, што больш ня лічыць сябе зьвязанымі мараторыем на выпрабаваньні ракет далёкага дзеяньня. Паводле паўночнакарэйскіх ўладаў, варожая палітыка з боку ЗША прымушае іх разьвіваць ядзерную зброю.
У заяве паўночнакарэйскага міністэрства замежных спраў гаворыцца, што мараторый быў усталяваны ў 1999 годзе, калі ішоў дыялёг з тагачасным прэзыдэнтам ЗША Білам Клінтанам. Паводле заявы, тое, што прэзыдэнт Джордж Буш спыніў перамовы, калі прыйшоў да ўлады ў 2001 годзе, робіць мараторый нядзейсным.
У мінулым месяцы Паўночная Карэя абвясьціла, што мае ядзерную зброю і спыняе перамовы наконт сваёй ядзернай праграмы, у якіх бралі ўдзел Паўднёвая Карэя, Кітай, Расея, Японія і Злучаныя Штаты. Пазьней паўночнакарэйскія улады заявілі, што адновяць перамовы, калі Злучаныя Штаты прадэманструюць “шчырасьць”. У сёньняшняй заяве гаворыцца, што амэрыканскі ўрад павінны папрасіць прабачэньне за тое, што называў Паўночную Карэю “бастыёнам тыраніі”