Сёньня ад самага ранку гурт актывістаў Незалежнага прафсаюзу прадпрымальнікаў Полаччыны выехаў на мікрааўтобусе ў сталіцу. Пра тое, што з гэтага атрымалася, распавядае жонка аднаго з актывістаў.
(Жонка актывіста: ) “Група людзей выехала ў Менск каб падтрымаць на пляцы менчукоў. Ужо на выезьдзе з Полацку іх чакалі: там былі работнікі ДАІ, міліцыя… Доўга шукалі – да чаго прычапіцца, і урэшце прычапіліся да таго, што аўтобус не прайшоў тэхагляд. У іх зьнялі нумары і усіх людзей вярнулі назад”.
У выніку прафсаюзныя актывісты вымушаныя былі дабірацца да сталіцы на спадарожных машынах.
Прадпрымальнікі Полацка й Наваполацка на працу сёньня ня выйшлі. Частка іх, нягледзячы на халоднае надвор’е, сабралася а 10-й гадзіне перад будынкамі гарвыканкамаў. Пры гэтым, калі ў Наваполацку гарадзкія ўлады ні ранейшым часам, ні сёньня да страйкоўцаў не выходзілі, дык у Полацку супакойваць натоўп выходзіў сам старшыня гарвыканкаму Ўладзімер Тачыла. Страйкоўцаў нават запрашалі зайсьці ў будынак гарвыканкаму пагрэцца.
Заўважым, што абвешчаная ўчора пастанова аб зьніжэньні падатку на дабаўленую вартасьць на абмежаваны асартымэнт тавару прадпрымальнікаў не супакоіў. Вось што сказаў наконт згаданых урадавых рашэньняў адзін з наваполацкіх страйкоўцаў:
(Страйковец: ) “Узьнікла такая сытуацыя, што ў нас больш няма выйсьця: альбо мы, альбо яны. І пытаньне нейкіх там дробных саступак нікога з нас не цікавіць. Цікавіць толькі пытаньне скасаваньня жорсткіх, падступных, зьвярыных дэкрэтаў, якія ня дзейнічаюць, і трэба на гэта расплюшчыць вочы”.
(Жонка актывіста: ) “Група людзей выехала ў Менск каб падтрымаць на пляцы менчукоў. Ужо на выезьдзе з Полацку іх чакалі: там былі работнікі ДАІ, міліцыя… Доўга шукалі – да чаго прычапіцца, і урэшце прычапіліся да таго, што аўтобус не прайшоў тэхагляд. У іх зьнялі нумары і усіх людзей вярнулі назад”.
У выніку прафсаюзныя актывісты вымушаныя былі дабірацца да сталіцы на спадарожных машынах.
Прадпрымальнікі Полацка й Наваполацка на працу сёньня ня выйшлі. Частка іх, нягледзячы на халоднае надвор’е, сабралася а 10-й гадзіне перад будынкамі гарвыканкамаў. Пры гэтым, калі ў Наваполацку гарадзкія ўлады ні ранейшым часам, ні сёньня да страйкоўцаў не выходзілі, дык у Полацку супакойваць натоўп выходзіў сам старшыня гарвыканкаму Ўладзімер Тачыла. Страйкоўцаў нават запрашалі зайсьці ў будынак гарвыканкаму пагрэцца.
Заўважым, што абвешчаная ўчора пастанова аб зьніжэньні падатку на дабаўленую вартасьць на абмежаваны асартымэнт тавару прадпрымальнікаў не супакоіў. Вось што сказаў наконт згаданых урадавых рашэньняў адзін з наваполацкіх страйкоўцаў:
(Страйковец: ) “Узьнікла такая сытуацыя, што ў нас больш няма выйсьця: альбо мы, альбо яны. І пытаньне нейкіх там дробных саступак нікога з нас не цікавіць. Цікавіць толькі пытаньне скасаваньня жорсткіх, падступных, зьвярыных дэкрэтаў, якія ня дзейнічаюць, і трэба на гэта расплюшчыць вочы”.
