БІШКЕК. Прэзыдэнт Кыргызстану Аскар Акаеў сёньня яшчэ раз заявіў, што ў ягонай краіне ня будзе рэвалюцыі накшталт украінскай ці грузінскай. Акаеў выступіў з гэтай заявай у часе міжнароднай навуковай канфэрэнцыі ў Бішкеку. Галасаваньне ў Кыргызстане адбудзецца 27 лютага. Акаеў неаднаразова абвінавачваў апазыцыю ў спробах распачаць паўстаньне пры дапамозе з-за мяжы. Сёньня каля 300 чалавек узялі ўдзел у дэманстрацыі пратэсту ў Бішкеку. Дэманстранты патрабавалі справядлівых выбараў і свабоды слова.