МАСКВА. ВІЧ-СНІД распаўсюджваецца ў Расеі “разбуральнымі” тэмапмі – такую заяву зрабілі амэрыканскія й расейскія экспэрты Навуковага Цэнтру Вудра Ўілсана. На іхную думку, у Расеі каля мільёна ВІЧ-станоўчых, у той час як афіцыйная статыстыка падае 300 тыс. “Калі чынавенства будзе ігнараваць праблему, цягам 2-3 гадоў Расея сутыкнецца з разбуральнымі наступствамі ў сфэры сям’і, працоўных рэсурсаў, узброеных сілаў” – гаворыцца ў дакладзе навукоўцаў. Зь іхных словаў, эпідэмія перамяшчаецца з асяродкаў нарказалежных у шырокія слаі грамадзтва.