Сёньня ў 2 гадзіны начы магілёўскія міліцыянты затрымалі актывіста руху “Зубр” Максіма Дварэцкага, калі ён у цэнтры гораду на вуліцы Першамайскай пісаў “Свабоду Марынічу!”. Сёньня ж суд Ленінскага раёну Магілёва разгледзеў гэтую справу. Максіма абвінавацілі ў дробным хуліганстве і непадпарадкаваньні супрацоўнікам міліцыі.
Судовае слуханьне, паводле зуброўцаў, скончылася вельмі хутка. Сябры Дварэцкага распавялі, што судзьдзя не задаволіла хадайніцтва Максіма аб прадстаўленьні яму адваката, адмовілася выслухаць сьведкаў з боку падсуднага, а міліцыянты засьведчылі, што малады чалавек маляваў графіці, нецэнзурна лаяўся і дэбашырыў. Прысуд зуброўцу — трое сутак арышту.
Сытуацыю камэнтуе каардынатар руху “Зубр” у Магілёўскай вобласьці Алег Мяцеліца:
(Мяцеліца: ) “Марыніч і Леванеўскі, невінаватыя людзі, сядзяць за кратамі. За тое, што людзі нейкім чынам хочуць падтрымаць іх, актывізаваць людзей, зьвярнуць увагу на тое, што адбываецца ў нашай краіне, таксама іх карае міліцыя”.
Таксама Максім Дварэцкі і два яго паплечнікі Павал Угрыновіч і Дзяніс Крываносаў неўзабаве будуць прыцягнуты да адміністрацыйнай адказнасьці за акцыю ў Горках, якая прайшла роўна тыдзень таму. Зуброўцы распаўсюджвалі ў студэнцкім гарадку і навучальных карпусах Беларускай дзяржаўнай сельскагаспадарчай акадэміі газэту “Выбар”, якая распавядала пра фальсыфікацыі вынікаў рэфэрэндуму і выбараў у парлямэнт. Маладых людзей затрымалі міліцыянты і склалі на іх пратакол, які будзе разгледжаны адміністрацыйнай камісіяй.
Судовае слуханьне, паводле зуброўцаў, скончылася вельмі хутка. Сябры Дварэцкага распавялі, што судзьдзя не задаволіла хадайніцтва Максіма аб прадстаўленьні яму адваката, адмовілася выслухаць сьведкаў з боку падсуднага, а міліцыянты засьведчылі, што малады чалавек маляваў графіці, нецэнзурна лаяўся і дэбашырыў. Прысуд зуброўцу — трое сутак арышту.
Сытуацыю камэнтуе каардынатар руху “Зубр” у Магілёўскай вобласьці Алег Мяцеліца:
(Мяцеліца: ) “Марыніч і Леванеўскі, невінаватыя людзі, сядзяць за кратамі. За тое, што людзі нейкім чынам хочуць падтрымаць іх, актывізаваць людзей, зьвярнуць увагу на тое, што адбываецца ў нашай краіне, таксама іх карае міліцыя”.
Таксама Максім Дварэцкі і два яго паплечнікі Павал Угрыновіч і Дзяніс Крываносаў неўзабаве будуць прыцягнуты да адміністрацыйнай адказнасьці за акцыю ў Горках, якая прайшла роўна тыдзень таму. Зуброўцы распаўсюджвалі ў студэнцкім гарадку і навучальных карпусах Беларускай дзяржаўнай сельскагаспадарчай акадэміі газэту “Выбар”, якая распавядала пра фальсыфікацыі вынікаў рэфэрэндуму і выбараў у парлямэнт. Маладых людзей затрымалі міліцыянты і склалі на іх пратакол, які будзе разгледжаны адміністрацыйнай камісіяй.
