КВЭТА (ПАКІСТАН). Паўстанцы напалі на дзьве машыны з ваенізаваным аддзелам каля мяжы з Іранам. Забіты чатыры жаўнеры і чатыры паранены. Прадстаўнік памежнай аховы палкоўнік Махамэд Малік сказаў, што ніхто ня ўзяў на сябе адказнасьць за напад. Лічыцца, што жаўнеры патрулявалі мясцовасьць, празь якую праходзіць маршрут кантрабандыстаў зброі, што дзейнічаюць паміж Пакістанам, Аўганістанам ды Іранам.