ДЖЫЗАК. Невядомыя зьбілі пляменьніка узбэцкага прэзыдэнта Іслама Карымава, вядомага журналіста і праваабаронцу Джамшыда Карымава. Джамшыд Карымаў вядомы адмоўным стаўленьнем да палітыкі свайго дзядзькі – прэзыдэнта Іслама Карымава -- ў сфэры правоў чалавека. Нядаўна Джамшыд Карымаў апублікаваў шэраг артыкулаў аб карупцыі і злоўжываньні мясцовых уладаў. Паліцыя Джызаку заявіла, што будзе дасьледаваць інцыдэнт. Праваабаронца знаходзіцца ў шпіталі ў сур’ёзным стане.