РАМАЛА. Лідэр Арганізацыі вызваленьня Палестыны Махмуд Абас абвясьціў, што напачатку 2005 г. у Лёндане пройдзе міжнародная канфэрэнцыя, якая стане першым крокам да замірэньня з Ізраілем. Абас зрабіў гэтую заяву пасьля сустрэчы з прэм’ерам Вялікай Брытаніі Тоні Блэрам. Блэр абяцаў правесьці канфэрэнцыю, каб дапамагчы палестынцам ў пытаньнях дэмакратыі, бясьпекі і рэформаў.
Тоні Блэр абмеркаваў з прэм’ер-міністрам Ізраілю Арыэлем Шаронам магчымасьці замірэньня на Блізкім Усходзе. Арыэль Шарон пасьля перамоваў сказаў:
(Шарон:) – Мы спадзяемся, што новае кіраўніцтва Палестынскае аўтаноміі будзе змагацца з тэрарызмам і актыўна праводзіць рэформы. У гэтым выпадку мы гатовыя каардынаваць з гэтым кіраўніцтвам пытаньні бясьпекі і вываду ізраільскіх войскаў з сэктара Газа.
Тоні Блэр у сваю чаргу адзначыў: (Блэр:) – Спадзяюся, што палестынскі бок бачыць нашае жаданьне дапамагчы ў аднаўленьні мірнага працэсу.
Міжтым ізраільскія войскі ўвайшлі у лягер уцекачоў Хан-Юніс у сэктары Газа. Мэта апэрацыі – засьцярога ад ракетных абстрэлаў навакольных габрэйскіх пасяленьняў. Абстрэлы вядуць палестынскія ваяўнікі з будынкаў у Хан-Юнісе.
Тоні Блэр у сваю чаргу адзначыў: (Блэр:) – Спадзяюся, што палестынскі бок бачыць нашае жаданьне дапамагчы ў аднаўленьні мірнага працэсу.
Міжтым ізраільскія войскі ўвайшлі у лягер уцекачоў Хан-Юніс у сэктары Газа. Мэта апэрацыі – засьцярога ад ракетных абстрэлаў навакольных габрэйскіх пасяленьняў. Абстрэлы вядуць палестынскія ваяўнікі з будынкаў у Хан-Юнісе.