Супрацоўнікі будучай дыпмісіі кажуць, што наўрад ці амбасада адчыніцца да канца гэтага году. Памяшканьне на Партызанскім праспэкце сталіцы, дзе разьмесьцяцца службы амбасады, патрабуе вельмі істотнага рамонту, і калі казаць пра больш-менш рэальныя тэрміны, то іх акрэсьліваюць лютым – пачаткам сакавіка 2005 году. У гэтым зьвязку больш нават цікавіць іншае: ці надоўга Ізраіль адчыняе сваё прадстаўніцтва?
Цягам некалькіх гадоў гэта ўжо трэцяя спроба наладзіць працу ізраільскай амбасады ў Менску. Апошні раз дыпляматычнае прадстаўніцтва было зачыненае ў ліпені мінулага году – як было сказана, з-за бюджэтных праблемаў. Тым ня менш, прадстаўнікі габрэйскіх суполак у Беларусі спадзяюцца, што гэтым разам амбасада будзе працаваць стабільна і доўга. Гаворыць кіраўнік габрэйскіх суполак Беларусі Леанід Левін:
(Левін: ) “Мы спадзяемся, што гэта, прынамсі, не на адзін год. Але ж у жыцьці ўсё бывае – вы ж ведаеце, як цяжка зараз штосьці прагназаваць. Але, наколькі я ведаю, то гэта не на адзін гадок. Намеры супрацоўнічаць ёсьць, а калі намеры ёсьць, то будзе і разуменьне. Таму будзе ўсё добра. Прынамсі, што ад нас залежыць, мы будзем прыкладаць намаганьні, і будзем уплываць на ізраільскі бок, каб і там было разуменьне, зь іхнага боку”.
Ад пачатку 1990-х істотна вырасла колькасьць габрэяў-вернікаў, якія выпраўляліся ў паломніцтва па сьвятых месцах. Пасьля таго, як летась амбасада Ізраілю ў Менску была зачыненая, усе вернікі вымушаныя карыстацца паслугамі фірмаў-пасярэднікаў, якія афармляюць візы праз амбасаду Ізраілю ў Маскве. Каштуе такое задавальненьне болей за сто даляраў. І цалкам натуральна, што “пацягнуць” такія выдаткі могуць далёка ня ўсе. Кіраўнік Іудзейскага рэлігійнага таварыства Юрый Дорн зьвязвае новую хвалю актывізацыі паломніцтва якраз з адкрыцьцём ізраільскай амбасады ў Менску:
(Дорн: ) “У нас вялізная колькасьць вернікаў, якія з-за дарагавізны ізраільскай візы проста ня могуць дазволіць сабе туды паехаць; я спадзяюся, што ў гэтым сэнсе ўсё вернецца на старыя пазыцыі і віза зноў будзе каштаваць 17 даляраў. Па-другое, без амбасады вельмі складана кантактаваць з асноўным нашым духоўным цэнтрам – упраўленьнем іудаізму ў Іерусаліме. Цалкам натуральна, што мы зацікаўленыя, каб гэтыя кантакты аднавіліся і былі на тым узроўні, як раней, перад тым як амбасада зачынілася”.
Паводле афіцыйнай статыстыкі, колькасьць габрэяў, якія ад’ехалі ў Ізраіль, і габрэяў, якія жывуць у Беларусі, практычная роўная – дзесьці па 80 тысячаў чалавек. Прадстаўнікі габрэйскіх арганізацый сьцьвярджаюць, што ў абодвух выпадках лічбы істотна заніжаныя. Зрэшты, гэта нікому не перашкаджае казаць, што пэўнай актывізацыі кантактаў можна чакаць і ў галіне прыватных паездак. Як я ўжо казаў, цяпер ізраільская віза з выдаткамі на пасярэднікаў каштуе ў сярэднім сто даляраў. Калі дадаць яшчэ квіток на самалёт за 400 эўра, то падарожжа атрымаецца досыць адчувальнае. Хоць, зь іншага боку, беларуская віза для замежных грамадзянаў у бальшыні сваёй таксама каштуе сотню даляраў, таму коштавы фактар у дадзеным выпадку можна лічыць адпаведным.
Цягам некалькіх гадоў гэта ўжо трэцяя спроба наладзіць працу ізраільскай амбасады ў Менску. Апошні раз дыпляматычнае прадстаўніцтва было зачыненае ў ліпені мінулага году – як было сказана, з-за бюджэтных праблемаў. Тым ня менш, прадстаўнікі габрэйскіх суполак у Беларусі спадзяюцца, што гэтым разам амбасада будзе працаваць стабільна і доўга. Гаворыць кіраўнік габрэйскіх суполак Беларусі Леанід Левін:
(Левін: ) “Мы спадзяемся, што гэта, прынамсі, не на адзін год. Але ж у жыцьці ўсё бывае – вы ж ведаеце, як цяжка зараз штосьці прагназаваць. Але, наколькі я ведаю, то гэта не на адзін гадок. Намеры супрацоўнічаць ёсьць, а калі намеры ёсьць, то будзе і разуменьне. Таму будзе ўсё добра. Прынамсі, што ад нас залежыць, мы будзем прыкладаць намаганьні, і будзем уплываць на ізраільскі бок, каб і там было разуменьне, зь іхнага боку”.
Ад пачатку 1990-х істотна вырасла колькасьць габрэяў-вернікаў, якія выпраўляліся ў паломніцтва па сьвятых месцах. Пасьля таго, як летась амбасада Ізраілю ў Менску была зачыненая, усе вернікі вымушаныя карыстацца паслугамі фірмаў-пасярэднікаў, якія афармляюць візы праз амбасаду Ізраілю ў Маскве. Каштуе такое задавальненьне болей за сто даляраў. І цалкам натуральна, што “пацягнуць” такія выдаткі могуць далёка ня ўсе. Кіраўнік Іудзейскага рэлігійнага таварыства Юрый Дорн зьвязвае новую хвалю актывізацыі паломніцтва якраз з адкрыцьцём ізраільскай амбасады ў Менску:
(Дорн: ) “У нас вялізная колькасьць вернікаў, якія з-за дарагавізны ізраільскай візы проста ня могуць дазволіць сабе туды паехаць; я спадзяюся, што ў гэтым сэнсе ўсё вернецца на старыя пазыцыі і віза зноў будзе каштаваць 17 даляраў. Па-другое, без амбасады вельмі складана кантактаваць з асноўным нашым духоўным цэнтрам – упраўленьнем іудаізму ў Іерусаліме. Цалкам натуральна, што мы зацікаўленыя, каб гэтыя кантакты аднавіліся і былі на тым узроўні, як раней, перад тым як амбасада зачынілася”.
Паводле афіцыйнай статыстыкі, колькасьць габрэяў, якія ад’ехалі ў Ізраіль, і габрэяў, якія жывуць у Беларусі, практычная роўная – дзесьці па 80 тысячаў чалавек. Прадстаўнікі габрэйскіх арганізацый сьцьвярджаюць, што ў абодвух выпадках лічбы істотна заніжаныя. Зрэшты, гэта нікому не перашкаджае казаць, што пэўнай актывізацыі кантактаў можна чакаць і ў галіне прыватных паездак. Як я ўжо казаў, цяпер ізраільская віза з выдаткамі на пасярэднікаў каштуе ў сярэднім сто даляраў. Калі дадаць яшчэ квіток на самалёт за 400 эўра, то падарожжа атрымаецца досыць адчувальнае. Хоць, зь іншага боку, беларуская віза для замежных грамадзянаў у бальшыні сваёй таксама каштуе сотню даляраў, таму коштавы фактар у дадзеным выпадку можна лічыць адпаведным.
