МАНІЛА. На Філіпінах у выніку паводак і апоўзьняў загінулі 26 чалавек. Іх выклікалі моцныя дажджы. Залевам папярэднічалі два моцныя штормы, падчас якіх загінулі або зьніклі каля 160 чалавек. Сьпіс ахвяраў можа павялічыцца, бо ратавальнікі вывучаюць аддаленыя вобласьці, якія раптоўна напаткаў трапічны цыклон “Віні”. У некаторых мясьцінах ратавальнікам перашкаджалі апоўзьні, якія заблякавалі дарогі.