Напярэдадні са зваротам да ўкраінцаў выступіў Віктар Юшчанка. Ён заявіў, што ўся ўладная вэртыкаль пераўтвораная ў машыну для фальсыфікацыяў. Але апазыцыя зьбіраецца адстойваць сваю перамогу. Перадвыбарчыя штабы Юшчанкі ствараюць добраахвотныя дружыны, да акцыяў рыхтуюцца студэнты. Паралельны падлік галасоў апазыцыя зьбіраецца праводзіць на плошчы Незалежнасьці ў Кіеве. У МУС Украіны заявілі пра незаконнасьць гэтай акцыі. Паплечнік Юшчанкі Юры Кастэнка кажа, што апазыцыя гатовая ў выпадку фальсыфікацыяў пайсьці на “грузінскі варыянт” аднаўленьня справядлівасьці.
Кіраўнік перадвыбарчага штабу Януковіча Сяргей Цігіпка на гэта адказвае, што зь іх боку “таксама не трусяняты вушастыя сядзяць”, — маўляў, на іх падтрымку ў Кіеве выйдзе 40 тысяч шахцёраў і мэталюргаў. Давераная асоба Віктара Януковіча Тарас Чарнавол не выключае сілавога разьвіцьця падзеяў:
(Чарнавол: ) “Сёньня ўжо агучваюцца заявы ад “Нашай Украіны” і Блёку Юліі Цімашэнкі, што любыя варыянты, калі пераможцам будзе ня Юшчанка, ня могуць быць прызнаныя законнымі, і склікаюцца ўжо людзі пад будынак ЦВК. Мне гэта падаецца пагрозьлівым”.
А вось якім бачыць магчымае разьвіцьцё падзеяў дырэктар недзяржаўнага Інстытуту палітычнага мадэляваньня Даніла Янеўскі:
(Янеўскі: ) “Беларускі варыянт выключаны. Электаральная сытуацыя цалкам зразумелая, нацыя масава падтрымлівае Юшчанку. Ва ўлады ёсьць толькі два выхады з гэтай сытуацыі. Гэта масавая брутальная фальсыфікацыя і абвяшчэньне Януковіча прэзыдэнтам Украіны да афіцыйнага агалошваньня вынікаў, альбо сілавы варыянт”.
Аднак спадар Янеўскі, улічваючы стан украінскага войска, не разглядае сілавы варыянт як верагодны. А вось “грузінскага” варыянту ён не выключае:
(Янеўскі: ) “Абсалютна нельга выключаць таго, што зьбярэцца 100–150 ці 200 тысяч чалавек, якія проста занясуць Юшчанку на руках у адміністрацыю прэзыдэнта. Гэта будзе чэскі ці грузінскі сцэнар, як заўгодна яго назавіце, сэрбскі”.
Паводле Данілы Янеўскага, вынікі апошніх сацыялягічных дасьледаваньняў сьведчаць пра перавагу Віктара Юшчанкі ў 8%, за яго гатовыя прагаласаваць 44% апытаных, за Януковіча — 36%.
Тым часам дзейны прэзыдэнт Украіны Леанід Кучма адмовіўся падпісваць прыняты ўчора Вярхоўнай радай закон аб забароне галасаваньня з выкарыстаньнем адмацавальных талёнаў. Такіх талёнаў ужо выдадзена больш за 1 мільён. На думку Вярхоўнай Рады, гэты закон спрыяў бы мінімізацыі фальсыфікацыяў і парушэньняў падчас выбараў. Тым ня менш, апошняе рашэньне Вярхоўнай рады сьведчыць, што Юшчанку перад другім турам удалося стварыць новую палітычную кааліцыю.
Кіраўнік перадвыбарчага штабу Януковіча Сяргей Цігіпка на гэта адказвае, што зь іх боку “таксама не трусяняты вушастыя сядзяць”, — маўляў, на іх падтрымку ў Кіеве выйдзе 40 тысяч шахцёраў і мэталюргаў. Давераная асоба Віктара Януковіча Тарас Чарнавол не выключае сілавога разьвіцьця падзеяў:
(Чарнавол: ) “Сёньня ўжо агучваюцца заявы ад “Нашай Украіны” і Блёку Юліі Цімашэнкі, што любыя варыянты, калі пераможцам будзе ня Юшчанка, ня могуць быць прызнаныя законнымі, і склікаюцца ўжо людзі пад будынак ЦВК. Мне гэта падаецца пагрозьлівым”.
А вось якім бачыць магчымае разьвіцьцё падзеяў дырэктар недзяржаўнага Інстытуту палітычнага мадэляваньня Даніла Янеўскі:
(Янеўскі: ) “Беларускі варыянт выключаны. Электаральная сытуацыя цалкам зразумелая, нацыя масава падтрымлівае Юшчанку. Ва ўлады ёсьць толькі два выхады з гэтай сытуацыі. Гэта масавая брутальная фальсыфікацыя і абвяшчэньне Януковіча прэзыдэнтам Украіны да афіцыйнага агалошваньня вынікаў, альбо сілавы варыянт”.
Аднак спадар Янеўскі, улічваючы стан украінскага войска, не разглядае сілавы варыянт як верагодны. А вось “грузінскага” варыянту ён не выключае:
(Янеўскі: ) “Абсалютна нельга выключаць таго, што зьбярэцца 100–150 ці 200 тысяч чалавек, якія проста занясуць Юшчанку на руках у адміністрацыю прэзыдэнта. Гэта будзе чэскі ці грузінскі сцэнар, як заўгодна яго назавіце, сэрбскі”.
Паводле Данілы Янеўскага, вынікі апошніх сацыялягічных дасьледаваньняў сьведчаць пра перавагу Віктара Юшчанкі ў 8%, за яго гатовыя прагаласаваць 44% апытаных, за Януковіча — 36%.
Тым часам дзейны прэзыдэнт Украіны Леанід Кучма адмовіўся падпісваць прыняты ўчора Вярхоўнай радай закон аб забароне галасаваньня з выкарыстаньнем адмацавальных талёнаў. Такіх талёнаў ужо выдадзена больш за 1 мільён. На думку Вярхоўнай Рады, гэты закон спрыяў бы мінімізацыі фальсыфікацыяў і парушэньняў падчас выбараў. Тым ня менш, апошняе рашэньне Вярхоўнай рады сьведчыць, што Юшчанку перад другім турам удалося стварыць новую палітычную кааліцыю.
