СТРАЗБУР. Сёньня ў Эўрапарлямэнце адбудзецца галасаваньне ў справе абраньня выканаўчага органу Эўразьвязу, Эўрапейскай камісіі. Чакаецца, што 732 дэпутаты Эўразьвязу ухваляць новы склад камісіі, прапанаваны яе кіраўніком Жазэ Мануэлам Барозу. Камісія будзе складацца з 25 членаў – па адным ад кожнае краіны Эўразьвязу. Гэта будзе другі склад камісіі. Першы Эўрапарлямэнт адпрэчыў, прапанаваўшы замяніць кандыдатаў ад Латвіі і Італіі.