РАМАЛА. Кіраўнік Палестынскай аўтаноміі Ясір Арафат, стан здароў’я якога гэтымі днямі значна пагоршыўся, дастаўлены самалётам у Францыю, дзе пройдзе курс лекаваньня ў вайсковым шпіталі.
Прамаўляючы ў горадзе Рамала, прэм’ер-міністар аўтаноміі Ахмэд Карэй заявіў:
(Карэй) “Перадусім, мы спадзяемся, што ён вернецца з добрым здароўем ды ізноў зможа ўзначаліць палестынскі народ ў ягоных намаганьнях у справе стварэньня незалежнай дзяржавы.
Лекары лічаць, што непасрэднай пагрозы жыцьцю Арафата няма. Ён мае паніжаную колькасьць трамбацытаў у крыві, што можа быць выкліканае вялікай колькасьцю розных прычынаў.