Напярэдадні Гэлоўіну міністэрства адукацыі фактычна прадублявала сваё мінулагодняе папярэджаньне. Маўляў, ведамства не рэкамэндуе праводзіць Гэлоўін у навучальных установах, прыклаўшы пералік “дазволенага”: падчас канікулаў адзначыць Дзень памяці продкаў, павіншаваць вэтэранаў з Днём кастрычніцкай рэвалюцыі, займацца фізкультурай і спортам.
Перашкодай да стоадсоткавага выкананьня падобных інструкцыяў ёсьць хіба тое, што апошнім часам Гэлоўін перастае быць выключна дзіцячай забавай, і 31 кастрычніка менавіта дарослыя палохаюць замагільных пэрсанажаў “да сьмерці”.
У гэтыя выходныя амаль усе начныя клюбы ладзяць пад Гэлоўін “тэматычныя” праграмы. У сталічным клюбе “Алькатрас” на маючы адбыцца Гэлоўін ускладаюць вялізныя спадзяваньні і ставяцца да яго з максымальнай адказнасьцю: імпрэза пачнецца роўна апоўначы, уваход – толькі ў “замагільнай” экіпіроўцы. Тлумачэньне простае:
(Супрацоўнік клюбу: ) “Ну, вы ж зразумейце: атмасфэра сьвята павінная быць адпаведнай. У нас гэта абавязкова будзе. Усё павінна быць вельмі цікава. Дарэчы, першыя дваццаць чалавек, якія прыйдуць у касьцюмах, мы запусьцім бясплатна. Астатнія будуць весяліцца за грошы. Мы ўжо запрасілі нашых артыстаў і артыстаў з Масквы”.
Падобныя “сьвяткаваньні” рэзка крытыкуе Беларуская праваслаўная царква. Вось што распавёў прэсавы сакратар Беларускага Экзархату Андрэй Петрашкевіч:
(Петрашкевіч: ) “Звычайны эфэкт маскультуры. Сьвята чыста амэрыканскае і распаўсюджваецца разам з амэрыканскім ладам жыцьця і іхнай сыстэмай каштоўнасьцяў. Яно гэтак жа неадназначна ўспрымаецца і ў іншых краінах, дзе людзі разумеюць, што Гэлоўін – “хараство” ўсіх пякельных сілаў у іх прыдуркавата-дзіцячым выглядзе. Я толькі што зь Нямеччыны, і там у кожнай вітрыне выстаўленыя “тавары да Гэлоўіну”. Не было раней у Нямеччыне такога. Гэта бізнэс. А самыя вялікія грошы робяцца на чалавечай дурноце. Але ніякіх каранёў у гэтага сьвята ні ў Эўропе, ні тым больш у Беларусі няма. Таму было б дзіўна яго трываць ці, тым больш, прапагандаваць”.
Сапраўды, шмат хто схільны вінаваціць у культывацыі Гэлоўіну менавіта Амэрыку. Аднак адмыслоўцы кажуць, што карані паганскага сьвята паходзяць зусім зь іншага месца – з краіны кельтаў, Ірляндыі. І ў Новы сьвет Гэлоўін прывезьлі якраз ірляндцы. На амэрыканскім кантынэнце працэдура запужваньня замагільных сілаў была пераўтвораная ў карнавал, а галоўным сымбалем сьвята стаўся вялізны жоўты гарбуз. Таму можна казаць, што зараз гэта ўжо не рэлігійнае сьвята, а проста падстава пацешыцца над забабонамі. Якраз такой пазыцыі трымаюцца арганізатары забаўляльных шоў у “пякельную ноч”. Праўда, царква такой пазыцыі зноў жа рашуча не падзяляе:
(Петрашкевіч: ) “Гэтая падзея заснаваная на спэкуляцыях на сымболіцы і сілах д’ябальскіх, таму ўсё кажа само за сябе. А там, дзе ўсялякая нечысьць, нежыць, прывіды, чарадзейства і магія, то гэта ня мае ніякіх адносінаў да таго, што складае сутнасьць прадмету, клопату і зьместу царквы. Гэта тое ж самае, як людзі выбіраюць паміж здаровым ладам жыцьця і наркотыкамі. Натуральна, што царква супраць усялякіх праяваў пекла ў такім яго выглядзе. А пекла любіць прыймаць маскі, каб быць прывабным і для дзяцей, і для дарослых”.
Пакуль дзяржаўныя ведамствы ды царква крытыкуюць беларускую моладзь за захапленьне маскультурай, менскі ўнівэрсам “Цэнтральны” запрашае далучыцца да Гэлоўіну й набыць на сьвята вялізны жоўты гарбуз.
Перашкодай да стоадсоткавага выкананьня падобных інструкцыяў ёсьць хіба тое, што апошнім часам Гэлоўін перастае быць выключна дзіцячай забавай, і 31 кастрычніка менавіта дарослыя палохаюць замагільных пэрсанажаў “да сьмерці”.
У гэтыя выходныя амаль усе начныя клюбы ладзяць пад Гэлоўін “тэматычныя” праграмы. У сталічным клюбе “Алькатрас” на маючы адбыцца Гэлоўін ускладаюць вялізныя спадзяваньні і ставяцца да яго з максымальнай адказнасьцю: імпрэза пачнецца роўна апоўначы, уваход – толькі ў “замагільнай” экіпіроўцы. Тлумачэньне простае:
(Супрацоўнік клюбу: ) “Ну, вы ж зразумейце: атмасфэра сьвята павінная быць адпаведнай. У нас гэта абавязкова будзе. Усё павінна быць вельмі цікава. Дарэчы, першыя дваццаць чалавек, якія прыйдуць у касьцюмах, мы запусьцім бясплатна. Астатнія будуць весяліцца за грошы. Мы ўжо запрасілі нашых артыстаў і артыстаў з Масквы”.
Падобныя “сьвяткаваньні” рэзка крытыкуе Беларуская праваслаўная царква. Вось што распавёў прэсавы сакратар Беларускага Экзархату Андрэй Петрашкевіч:
(Петрашкевіч: ) “Звычайны эфэкт маскультуры. Сьвята чыста амэрыканскае і распаўсюджваецца разам з амэрыканскім ладам жыцьця і іхнай сыстэмай каштоўнасьцяў. Яно гэтак жа неадназначна ўспрымаецца і ў іншых краінах, дзе людзі разумеюць, што Гэлоўін – “хараство” ўсіх пякельных сілаў у іх прыдуркавата-дзіцячым выглядзе. Я толькі што зь Нямеччыны, і там у кожнай вітрыне выстаўленыя “тавары да Гэлоўіну”. Не было раней у Нямеччыне такога. Гэта бізнэс. А самыя вялікія грошы робяцца на чалавечай дурноце. Але ніякіх каранёў у гэтага сьвята ні ў Эўропе, ні тым больш у Беларусі няма. Таму было б дзіўна яго трываць ці, тым больш, прапагандаваць”.
Сапраўды, шмат хто схільны вінаваціць у культывацыі Гэлоўіну менавіта Амэрыку. Аднак адмыслоўцы кажуць, што карані паганскага сьвята паходзяць зусім зь іншага месца – з краіны кельтаў, Ірляндыі. І ў Новы сьвет Гэлоўін прывезьлі якраз ірляндцы. На амэрыканскім кантынэнце працэдура запужваньня замагільных сілаў была пераўтвораная ў карнавал, а галоўным сымбалем сьвята стаўся вялізны жоўты гарбуз. Таму можна казаць, што зараз гэта ўжо не рэлігійнае сьвята, а проста падстава пацешыцца над забабонамі. Якраз такой пазыцыі трымаюцца арганізатары забаўляльных шоў у “пякельную ноч”. Праўда, царква такой пазыцыі зноў жа рашуча не падзяляе:
(Петрашкевіч: ) “Гэтая падзея заснаваная на спэкуляцыях на сымболіцы і сілах д’ябальскіх, таму ўсё кажа само за сябе. А там, дзе ўсялякая нечысьць, нежыць, прывіды, чарадзейства і магія, то гэта ня мае ніякіх адносінаў да таго, што складае сутнасьць прадмету, клопату і зьместу царквы. Гэта тое ж самае, як людзі выбіраюць паміж здаровым ладам жыцьця і наркотыкамі. Натуральна, што царква супраць усялякіх праяваў пекла ў такім яго выглядзе. А пекла любіць прыймаць маскі, каб быць прывабным і для дзяцей, і для дарослых”.
Пакуль дзяржаўныя ведамствы ды царква крытыкуюць беларускую моладзь за захапленьне маскультурай, менскі ўнівэрсам “Цэнтральны” запрашае далучыцца да Гэлоўіну й набыць на сьвята вялізны жоўты гарбуз.
