ГАЗА. Учора у выніку ізраільскага ракетнага удару забіты Аднан аль-Гул, -- другі па значнасьці ў кіраўніцтве вайсковага крыла групоўкі Хамас. Ён быў вядомы як “бацька Куасама” – самаробнага кшталту ракеты, якія часта ужываліся для удараў па Ізраілю і габрайскім паселішчам. Сотні прыхільнікаў групоўкі сёньня раніцай сабраліся каля моргу, куды перавезьлі цела аль-Гула. Ваяўнікі Хамасу заявілі, што жорстка адпомсьцяць за яго сьмерць.