Леанід Ерын наконт справы Міхаіла Марыніча паведаміў, што яго трымаюць у сьледчым ізалятары КГБ не за палітычную дзейнасьць, а за крымінальнае злачынства. Ён запэўніў журналістаў, што днямі дзяржаўнае тэлебачаньне будзе дэманстраваць чарговы фільм Азаронка пра акалічнасьці гэтай крымінальнай справы.
Што тычыцца расьсьледваньня зьнікненьня Юрыя Захаранкі, Віктара Ганчара, Анатоля Красоўскага і журналіста Зьмітра Завадзкага, спадар Ерын адказаў, што гэта ня ёсьць прэрагатывай КГБ.
Чаму не расьсьледуюць абвінавачваньні ў цяжкіх злачынствах супраць генэральнага пракурора і шэрагу службовых асобаў? Спадар Ерын паведаміў наступнае:
(Ерын: ) “Паверце, вы яшчэ шмат чаго ня ведаеце. Так, мы можам сказаць, але час яшчэ не надышоў”.
Кіраўнік КГБ паведаміў журналістам, што апазыцыя фінансуецца іншымі краінамі. Леанід Ерын зьвярнуўся да Паўла Севярынца і патлумачыў, што ў таго няма грошай, бо імі распараджаецца Анатоль Лябедзька. А потым дадаў:
(Ерын: ) “У Лябедзькі сёньня, прашу прабачэньня, няма нават 500 даляраў. Няма ў яго гэтых грошай. Вось хацеў ён вам аплаціць. Вось вы сёньня ў мяне сядзіце, а вось колькі вы атрымаеце заўтра? Колькі вам абяцалі? 200, 500 даляраў? Я вось вам магу дастаць хоць зараз з уласнай кішэні...”
Анатоль Лябедзька паведаміў на гэты конт наступнае:
(Лябедзька: ) “Ну, таварыш Ерын мяне, канечне, зьдзіўляе. Навіна для мяне прыемная: калі я курырую фінансавыя патокі, якія могуць хаця б у нечым параўнацца зь ценявым бюджэтам Беларусі – ну што ж, значыць, я нечага дасягнуў у сваім жыцьці. А калі гаварыць шчыра, то на мяне, падаецца, хочуць павесіць абсалютна ўсіх “дохлых сабак”, уключаючы зараз і фінансы”.
Наконт таго, якія краіны фінансуюць беларускую апазыцыю, спадар Ерын адказаў, што ведае пра нядаўні званок Нямцова аднаму зь беларускіх палітыкаў:
(Ерын: ) “Учора тэлефанаваў спадар Нямцоў і казаў, што трэба зрабіць і як. Мы ўсё праслухоўваем!”
Кіраўнік КГБ патлумачыў, што тэлефоны праслухоўваюцца і гэта звычайная практыка. Ён запэўніў прысутных, што слухаюць не толькі палітыкаў, але й кожнага чалавека якім зацікавіліся спэцслужбы.
Кіраўнік КГБ паведаміў, што за кратамі сьледчага ізалятара трымаюць грамадзяніна ЗША Ільлю Мафтэра. Яго абвінавачваюць у махлярстве. Апроч таго, яго абвінавачваюць у фінансаваньні недзяржаўных грамадзкіх аб’яднаньняў.
Што тычыцца расьсьледваньня зьнікненьня Юрыя Захаранкі, Віктара Ганчара, Анатоля Красоўскага і журналіста Зьмітра Завадзкага, спадар Ерын адказаў, што гэта ня ёсьць прэрагатывай КГБ.
Чаму не расьсьледуюць абвінавачваньні ў цяжкіх злачынствах супраць генэральнага пракурора і шэрагу службовых асобаў? Спадар Ерын паведаміў наступнае:
(Ерын: ) “Паверце, вы яшчэ шмат чаго ня ведаеце. Так, мы можам сказаць, але час яшчэ не надышоў”.
Кіраўнік КГБ паведаміў журналістам, што апазыцыя фінансуецца іншымі краінамі. Леанід Ерын зьвярнуўся да Паўла Севярынца і патлумачыў, што ў таго няма грошай, бо імі распараджаецца Анатоль Лябедзька. А потым дадаў:
(Ерын: ) “У Лябедзькі сёньня, прашу прабачэньня, няма нават 500 даляраў. Няма ў яго гэтых грошай. Вось хацеў ён вам аплаціць. Вось вы сёньня ў мяне сядзіце, а вось колькі вы атрымаеце заўтра? Колькі вам абяцалі? 200, 500 даляраў? Я вось вам магу дастаць хоць зараз з уласнай кішэні...”
Анатоль Лябедзька паведаміў на гэты конт наступнае:
(Лябедзька: ) “Ну, таварыш Ерын мяне, канечне, зьдзіўляе. Навіна для мяне прыемная: калі я курырую фінансавыя патокі, якія могуць хаця б у нечым параўнацца зь ценявым бюджэтам Беларусі – ну што ж, значыць, я нечага дасягнуў у сваім жыцьці. А калі гаварыць шчыра, то на мяне, падаецца, хочуць павесіць абсалютна ўсіх “дохлых сабак”, уключаючы зараз і фінансы”.
Наконт таго, якія краіны фінансуюць беларускую апазыцыю, спадар Ерын адказаў, што ведае пра нядаўні званок Нямцова аднаму зь беларускіх палітыкаў:
(Ерын: ) “Учора тэлефанаваў спадар Нямцоў і казаў, што трэба зрабіць і як. Мы ўсё праслухоўваем!”
Кіраўнік КГБ патлумачыў, што тэлефоны праслухоўваюцца і гэта звычайная практыка. Ён запэўніў прысутных, што слухаюць не толькі палітыкаў, але й кожнага чалавека якім зацікавіліся спэцслужбы.
Кіраўнік КГБ паведаміў, што за кратамі сьледчага ізалятара трымаюць грамадзяніна ЗША Ільлю Мафтэра. Яго абвінавачваюць у махлярстве. Апроч таго, яго абвінавачваюць у фінансаваньні недзяржаўных грамадзкіх аб’яднаньняў.