У мінулую пятніцу Алеся Казакова затрымалі ў будынку Барысаўскага гарвыканкаму. Вось што паведаміў на гэты конт барысаўскі сябра каардынацыйнага камітэту Эўрапейскай кааліцыі “Свабодная Беларусь” Зьміцер Бародка:
(Бародка: ) “Казакоў Алесь 8 кастрычніка ў будынку Барысаўскага гарвыканкаму распаўсюджваў кнігу Паўла Шарамета і Сьвятланы Калінкінай “Выпадковы прэзыдэнт”. Ён быў затрыманы супрацоўнікамі гарвыканкаму. Затрымліваў нават сам кіраўнік ідэалягічнага аддзелу Міронаў. Пасьля ён амаль што паўсутак адседзеў у міліцэйскім пастарунку”.
Напачатку меркавалася судзіць барысаўскага зуброўца за парушэньне заканадаўства, зьвязанага з распаўсюдам друкаванай прадукцыі. Аднак судзьдзя Аляксей Болатаў палічыў распаўсюд кнігі дробным хуліганствам. Інакш кажучы, судзілі Казакова як хулігана, які нібыта брыдкасловіў у будынку гарвыканкаму. Гаворыць актывіст барысаўскага дэмакратычнага руху Аляксандар Абрамовіч:
(Абрамовіч: ) “Судзьдзя мае вельмі сумную рэпутацыю ў вачах барысаўскай беларускай грамадзкасьці. Гэты судзьдзя даў 35 сутак запар мне чатыры гады таму за арганізацыю несанкцыянаваных акцыяў пратэсту. І вось сёньня справу перадалі судзьдзю Болатаву, каб пакараць моладзевага актывіста, каб іншыя баяліся”.
(Бародка: ) “Казакоў Алесь 8 кастрычніка ў будынку Барысаўскага гарвыканкаму распаўсюджваў кнігу Паўла Шарамета і Сьвятланы Калінкінай “Выпадковы прэзыдэнт”. Ён быў затрыманы супрацоўнікамі гарвыканкаму. Затрымліваў нават сам кіраўнік ідэалягічнага аддзелу Міронаў. Пасьля ён амаль што паўсутак адседзеў у міліцэйскім пастарунку”.
Напачатку меркавалася судзіць барысаўскага зуброўца за парушэньне заканадаўства, зьвязанага з распаўсюдам друкаванай прадукцыі. Аднак судзьдзя Аляксей Болатаў палічыў распаўсюд кнігі дробным хуліганствам. Інакш кажучы, судзілі Казакова як хулігана, які нібыта брыдкасловіў у будынку гарвыканкаму. Гаворыць актывіст барысаўскага дэмакратычнага руху Аляксандар Абрамовіч:
(Абрамовіч: ) “Судзьдзя мае вельмі сумную рэпутацыю ў вачах барысаўскай беларускай грамадзкасьці. Гэты судзьдзя даў 35 сутак запар мне чатыры гады таму за арганізацыю несанкцыянаваных акцыяў пратэсту. І вось сёньня справу перадалі судзьдзю Болатаву, каб пакараць моладзевага актывіста, каб іншыя баяліся”.