НЬЮ-ЁРК. Рада бясьпекі ААН рэзка асудзіла захоп закладнікаў у Асэтыі і запатрабавала іх неадкладнага вызваленьня. У заяве Рады бясьпекі ААН таксама асуджаюцца іншыя тэрарыстычныя напады, што былі зьдзейсьненыя ў Расеі. У тэлефоннай размове з расейскім прэзыдэнтам Уладзімерам Пуціным амэрыканскі лідар Джордж Буш прапанаваў дапамогу з боку ЗША ў выхадзе з крызыснай сытуацыі.