Заява міністэрства фінансаў ЗША гаворыць, што “Інфабанк” патрапіў у гэты сьпіс як саўдзельнік у адмываньні грошай зь незаконных фінансавых апэрацый з Іракам. “Інфабанк” адмываў грошы для былога ірацкага рэжыму Садама Хусэйна. Грошы здабываліся праз махінацыі з праграмай ААН “Нафта ў абмен на харчаваньне”, калі цэны ў кантрактах штучна завышалася празь нелегальныя надбаўкі.
Атрыманыя грошы затым праходзілі празь некалькі замежных банкаў і падстаўных карпарацый. Нарэшце, грашовы прыбытак ад незаконных надбавак і завышаных кантрактаў або быў вернуты ірацкаму рэжыму ў парушэньне ўмоваў праграмы “Нафта ў абмен на харчаваньне”, або траціўся праз “Інфабанк” і ягонае аддзяленьне на куплю зброі й фінансаваньне вайсковай падрыхтоўкі.
Сёньняшняе вылучэньне двух банкаў разглядаецца міністэрствам фінансаў ЗША як папярэджаньне сусьветнай фінансавай супольнасьці датычна гэтых двух банкаў. У дадатак, аддзел міністэрства фінансаў па барацьбе зь фінансавымі злачынствамі наклаў на банкі санкцыі. Фінансавым установам ЗША забараняецца мець любыя карэспандэнцкія дачыненьні з “Інфабанкам” і “Першым гандлёвым банкам”. У дадатак, фінансавыя установы ЗША абавязаныя ўвесьці меры надзвычайнай пільнасьці, каб уладальнікі карэспандэнцкіх рахункаў у іхных установах ня мелі аніякіх стасункаў са згаданымі банкамі.
Мы зьвярнуліся ў міністэрства фінансаў ЗША па камэнтар пра дзейнасьць “Інфабанку”. Прэсавая прадстаўніца Молі Мілер-Вайз сказала, што інфармацыя пра колькасьць адмытых грошай пакуль засакрэчаная.
Таксама не публікуецца інфармацыя пра тое, як доўга “Інфабанк” займаўся незаконнымі апэрацыямі і якія замежныя й амэрыканскія бізнэс установы супрацоўнічалі з “Інфабанкам” у гэтай справе.
Прэсавая прадстаўніца міністэрства фінансаў згадала, што раней два бэрмудзкія, адзін сырыйскі і адзін украінскі банкі былі патрапілі ў такі самы сьпіс.
(Мілер-Вайз: ) “Украінскі банк пазьней быў выключаны са сьпісу, пасьля таго як ён увёў кантрольныя меры супроць адмываньня грошай. Кожная сытуацыя адрозьніваецца. Я не магу прадказаць, ці (беларуская сытуацыя) паўторыць украінскую. Сёньняшняе вылучэньне распачынае 30-дзённы “перамоўны” тэрмін. Гэта дасьць нам магчымасьць працаваць ня толькі з амэрыканскімі фінансавымі установамі, але і з замежнымі, уключна з “Інфабанкам”, каб убачыць зь іх боку сур’ёзнае жаданьне супрацоўніцтва па ўводзе кантрольных мер супроць адмываньня грошай.”
Калі ж Інфабанк ня пойдзе на супрацоўніцтва зь міністэрствам фінансаў ЗША па ўводзе такіх мер, тады, паводле прэсавай прадстаўніцы Молі Мілер-Вайз, санкцыі, у сёньняшнім ці трохі зьмененым выглядзе стануць пастаяннымі.
Атрыманыя грошы затым праходзілі празь некалькі замежных банкаў і падстаўных карпарацый. Нарэшце, грашовы прыбытак ад незаконных надбавак і завышаных кантрактаў або быў вернуты ірацкаму рэжыму ў парушэньне ўмоваў праграмы “Нафта ў абмен на харчаваньне”, або траціўся праз “Інфабанк” і ягонае аддзяленьне на куплю зброі й фінансаваньне вайсковай падрыхтоўкі.
Сёньняшняе вылучэньне двух банкаў разглядаецца міністэрствам фінансаў ЗША як папярэджаньне сусьветнай фінансавай супольнасьці датычна гэтых двух банкаў. У дадатак, аддзел міністэрства фінансаў па барацьбе зь фінансавымі злачынствамі наклаў на банкі санкцыі. Фінансавым установам ЗША забараняецца мець любыя карэспандэнцкія дачыненьні з “Інфабанкам” і “Першым гандлёвым банкам”. У дадатак, фінансавыя установы ЗША абавязаныя ўвесьці меры надзвычайнай пільнасьці, каб уладальнікі карэспандэнцкіх рахункаў у іхных установах ня мелі аніякіх стасункаў са згаданымі банкамі.
Мы зьвярнуліся ў міністэрства фінансаў ЗША па камэнтар пра дзейнасьць “Інфабанку”. Прэсавая прадстаўніца Молі Мілер-Вайз сказала, што інфармацыя пра колькасьць адмытых грошай пакуль засакрэчаная.
Таксама не публікуецца інфармацыя пра тое, як доўга “Інфабанк” займаўся незаконнымі апэрацыямі і якія замежныя й амэрыканскія бізнэс установы супрацоўнічалі з “Інфабанкам” у гэтай справе.
Прэсавая прадстаўніца міністэрства фінансаў згадала, што раней два бэрмудзкія, адзін сырыйскі і адзін украінскі банкі былі патрапілі ў такі самы сьпіс.
(Мілер-Вайз: ) “Украінскі банк пазьней быў выключаны са сьпісу, пасьля таго як ён увёў кантрольныя меры супроць адмываньня грошай. Кожная сытуацыя адрозьніваецца. Я не магу прадказаць, ці (беларуская сытуацыя) паўторыць украінскую. Сёньняшняе вылучэньне распачынае 30-дзённы “перамоўны” тэрмін. Гэта дасьць нам магчымасьць працаваць ня толькі з амэрыканскімі фінансавымі установамі, але і з замежнымі, уключна з “Інфабанкам”, каб убачыць зь іх боку сур’ёзнае жаданьне супрацоўніцтва па ўводзе кантрольных мер супроць адмываньня грошай.”
Калі ж Інфабанк ня пойдзе на супрацоўніцтва зь міністэрствам фінансаў ЗША па ўводзе такіх мер, тады, паводле прэсавай прадстаўніцы Молі Мілер-Вайз, санкцыі, у сёньняшнім ці трохі зьмененым выглядзе стануць пастаяннымі.
