Нагодай да разгляду адміністрацыйнай справы стаўся інцыдэнт, які здарыўся 18 жніўня ў калідоры Бярозаўскага раённага суду. Аляксандар Шавель у гэты дзень абараняў інтарэсы вайскоўца, якога мясцовыя ўлады спрабуюць пазбавіць службовай кватэры. У часе перапынку ў калiдоры да спадара Шавеля падышоў пракурор Бярозаўскага раёну Мячыслаў Курыловіч. Размова скончылася тым, што пракурор раптам выклікаў міліцыянтаў і загадаў скласьці пратакол, бо Аляксандар Шавель нібыта абразіў яго як службовую асобу.
Міліцыянты адвезьлі спадара Шавеля ў пастарунак, дзе пратрымалі ўсю ноч. Родным і знаёмым бярозаўскага праваабаронцы нават не дазволілі перадаць яму асабістыя рэчы.
У самым пачатку паседжаньня Аляксандар Шавель заявіў хадайніцтва пра ўдзел у працэсе адваката. Судзьдзя Вадзім Мазоль спрабаваў пераканаць спадара Шавеля, што ён можа асабіста абараняць сябе ў гэтай справе альбо запрасіць кагосьці зь бярозаўскіх юрыстаў. Урэшце судзьдзя вырашыў перанесьці разьгляд справы на 20 жніўня і дазволіў спадару Шавелю выйсьці на волю.
Сябры апазыцыйных палітычных партыяў наўпрост зьвязваюць гэты судовы працэс з выбарчай кампаніяй у Палату прадстаўнікоў. Вось што распавёў кіраўнік Берасьцейскай абласной арганізацыі Партыі БНФ Юрась Губарэвіч, які мае намер вылучацца кандыдатам у дэпутаты ў Бярозаўскай выбарчай акрузе:
(Губарэвіч: ) “Шавель ёсьць сябрам маёй ініцыятыўнай групы збору подпісаў. Ёе вядомы і аўтарытэтны ў Бярозе чалавек. У яго вельмі добра атрымліваецца: самастойна сабраў некалькі соцень подпісаў. І ўлады такім чынам паспрабавалі выключыць яго зь перадвыбарчага працэсу, таму што арышт на 15 сутак — гэта тыя суткі, што засталіся да завяршэньня збору подпісаў. І адпаведна запалохаць усіх астатніх сябраў ініцыятыўнай групы”.
Варта дадаць, што ў Бярозаўскай выбарчай акрузе зарэгістраваная рэкордная для гэтага рэгіёну колькасьць ініцыятыўных групаў — дзесяць. Яшчэ некалькі асобаў ужо пасьпелі вылучыцца праз працоўныя калектывы.
Міліцыянты адвезьлі спадара Шавеля ў пастарунак, дзе пратрымалі ўсю ноч. Родным і знаёмым бярозаўскага праваабаронцы нават не дазволілі перадаць яму асабістыя рэчы.
У самым пачатку паседжаньня Аляксандар Шавель заявіў хадайніцтва пра ўдзел у працэсе адваката. Судзьдзя Вадзім Мазоль спрабаваў пераканаць спадара Шавеля, што ён можа асабіста абараняць сябе ў гэтай справе альбо запрасіць кагосьці зь бярозаўскіх юрыстаў. Урэшце судзьдзя вырашыў перанесьці разьгляд справы на 20 жніўня і дазволіў спадару Шавелю выйсьці на волю.
Сябры апазыцыйных палітычных партыяў наўпрост зьвязваюць гэты судовы працэс з выбарчай кампаніяй у Палату прадстаўнікоў. Вось што распавёў кіраўнік Берасьцейскай абласной арганізацыі Партыі БНФ Юрась Губарэвіч, які мае намер вылучацца кандыдатам у дэпутаты ў Бярозаўскай выбарчай акрузе:
(Губарэвіч: ) “Шавель ёсьць сябрам маёй ініцыятыўнай групы збору подпісаў. Ёе вядомы і аўтарытэтны ў Бярозе чалавек. У яго вельмі добра атрымліваецца: самастойна сабраў некалькі соцень подпісаў. І ўлады такім чынам паспрабавалі выключыць яго зь перадвыбарчага працэсу, таму што арышт на 15 сутак — гэта тыя суткі, што засталіся да завяршэньня збору подпісаў. І адпаведна запалохаць усіх астатніх сябраў ініцыятыўнай групы”.
Варта дадаць, што ў Бярозаўскай выбарчай акрузе зарэгістраваная рэкордная для гэтага рэгіёну колькасьць ініцыятыўных групаў — дзесяць. Яшчэ некалькі асобаў ужо пасьпелі вылучыцца праз працоўныя калектывы.
