За шэсьць дзён да фэстывалю “Славянскі базар” віцебскія міліцыянты паспрабавалі змагацца з падлеткавым п’янствам — яны набылі за ўласныя грошы дваццаць пляшак мінэральнае вады. Праблема гандлю алькагольнымі напоямі даўняя, гэта прыбыткова для крамаў і вельмі непажадана для супрацоўнікаў міліцыі, якія мусяць змагацца з наступствамі.
Адзінае, што робяць напярэдадні фэстывалю гарадзкія ўлады — абмяжоўваюць продаж сьпіртовых напояў у фэстывальным цэнтры. Але набыць алькаголь без праблем можна ў любым іншым месцы гораду. Менавіта падлеткавае п’янства, паводле словаў супрацоўніка міліцэйскай прэсавай службы Алега Чумакова, стала асобным клопатам віцебскіх міліцыянтаў у часе “Славянскага базару”.
(Чумакоў: ) “Гэта вельмі страшна! Аднойчы мы затрымалі 13-гадовага хлопчыка, які напіўся аж да каматознага стану! І мы ня хочам, каб нашыя прыгожыя маладыя людзі выглядалі па-сьвінску!”
Зрэшты, хвалюе міліцыянтаў ня столькі неэстэтычны выгляд п’яных падлеткаў, колькі рост падлеткавае злачыннасьці ў дні фэстывалю. Але ці можна прадухіліць усё гэта з дапамогаю дваццаці пляшак мінэралкі?
(Дзяўчынка: ) “Ну, далі нам яны мінэралку. А чаго менавіта нам?! Тут дарослыя на “Славянскім базары” такія п’яныя ходзяць, што ў горад выйсьці страшна! Паглядзелі бы, колькі дарослых п’яных!”
Псыхолягі цьвердзяць, што падлеткі сталі больш ужываць алькаголю пад уплывам тэлевізійнае рэклямы, у прыватнасьці, рэклямы піва як выключна карыснага і прэстыжнага напою. Што да віцебскіх падлеткаў, то цягам “Славянскага базару” яны штогод назіраюць бесьперапынную рэкляму алькаголю самых розных гатункаў, да таго ж санкцынаваную дзяржавай.
Адзінае, што робяць напярэдадні фэстывалю гарадзкія ўлады — абмяжоўваюць продаж сьпіртовых напояў у фэстывальным цэнтры. Але набыць алькаголь без праблем можна ў любым іншым месцы гораду. Менавіта падлеткавае п’янства, паводле словаў супрацоўніка міліцэйскай прэсавай службы Алега Чумакова, стала асобным клопатам віцебскіх міліцыянтаў у часе “Славянскага базару”.
(Чумакоў: ) “Гэта вельмі страшна! Аднойчы мы затрымалі 13-гадовага хлопчыка, які напіўся аж да каматознага стану! І мы ня хочам, каб нашыя прыгожыя маладыя людзі выглядалі па-сьвінску!”
Зрэшты, хвалюе міліцыянтаў ня столькі неэстэтычны выгляд п’яных падлеткаў, колькі рост падлеткавае злачыннасьці ў дні фэстывалю. Але ці можна прадухіліць усё гэта з дапамогаю дваццаці пляшак мінэралкі?
(Дзяўчынка: ) “Ну, далі нам яны мінэралку. А чаго менавіта нам?! Тут дарослыя на “Славянскім базары” такія п’яныя ходзяць, што ў горад выйсьці страшна! Паглядзелі бы, колькі дарослых п’яных!”
Псыхолягі цьвердзяць, што падлеткі сталі больш ужываць алькаголю пад уплывам тэлевізійнае рэклямы, у прыватнасьці, рэклямы піва як выключна карыснага і прэстыжнага напою. Што да віцебскіх падлеткаў, то цягам “Славянскага базару” яны штогод назіраюць бесьперапынную рэкляму алькаголю самых розных гатункаў, да таго ж санкцынаваную дзяржавай.
