Расея абвесьціла пра манаполію на таварны знак “Савецкае шампанскае”. Вось што сказаў на гэты конт нашаму радыё афіцыйны прадстаўнік расейскага дзяржаўнага прадпрыемства “Саюзплодаімпарт” Уладзімер Ухваценка:
(Ухваценка: ) “Таму што даказана судом, што гэты таварны знак спакон веку належаў “Саюзплодаімпарту” яшчэ ў час СССР. Тыя заводы, якія вырабляюць шампанскае, яны мусяць браць ліцэнзію ў фэдэральнага дзяржаўнага прадпрыемства”.
Паводле расейскага боку, адзінай правапераемніцай колішняга савецкага “Саюзплодаімпарту”, які месьціўся ў Маскве, ёсьць Расея. У гэтай сувязі дырэктар цяперашняга расейскага “Саюзплодаімпарту” Ўладзімер Логінаў паабяцаў змагацца з імпартам “Савецкага шампанскага” зь іншых постсавецкіх краінаў. У Беларусі “Савецкае шампанскае” вырабляе Менскі завод ігрыстых вінаў. Вестка пра манапалізацыю расейцамі гэтага шырокавядомага брэнду ўстрывожыла яго кіраўніцтва. Гаворыць кіраўніца юрыдычнай службы гэтага прадпрыемства Ала Кічкайла:
(Кічкайла: ) “У любым выпадку, калі гэта ўсё ўзаконена, будуць нейкія праблемы. Бо мы экспартуем туды сваю прадукцыю. За гэта будуць браць нейкія адлічэньні. Расейцы — малайцы, бо яны падтрымліваюць свайго таваравытворцу. Мы таксама зьвярталіся ў сваё патэнтнае ведамства, хацелі зарэгістраваць гэты таварны знак, але нам летась адмовілі. Паспрабуем падаць паўторна. Мы давалі на “Савецкае ігрыстае”, цяпер паспрабуем на “Савецкае” даваць”.
Расейская ініцыятыва атрымала розгалас і ў сьценах беларускага патэнтнага ведамства. Як паведаміў мне начальнік упраўленьня таварных знакаў Нацыянальнага цэнтру інтэлектуальнай уласнасьці Яўген Зінкевіч, яна будзе абмеркаваная на сумеснай сустрэчы зь беларускімі вінаробамі.
(Ухваценка: ) “Таму што даказана судом, што гэты таварны знак спакон веку належаў “Саюзплодаімпарту” яшчэ ў час СССР. Тыя заводы, якія вырабляюць шампанскае, яны мусяць браць ліцэнзію ў фэдэральнага дзяржаўнага прадпрыемства”.
Паводле расейскага боку, адзінай правапераемніцай колішняга савецкага “Саюзплодаімпарту”, які месьціўся ў Маскве, ёсьць Расея. У гэтай сувязі дырэктар цяперашняга расейскага “Саюзплодаімпарту” Ўладзімер Логінаў паабяцаў змагацца з імпартам “Савецкага шампанскага” зь іншых постсавецкіх краінаў. У Беларусі “Савецкае шампанскае” вырабляе Менскі завод ігрыстых вінаў. Вестка пра манапалізацыю расейцамі гэтага шырокавядомага брэнду ўстрывожыла яго кіраўніцтва. Гаворыць кіраўніца юрыдычнай службы гэтага прадпрыемства Ала Кічкайла:
(Кічкайла: ) “У любым выпадку, калі гэта ўсё ўзаконена, будуць нейкія праблемы. Бо мы экспартуем туды сваю прадукцыю. За гэта будуць браць нейкія адлічэньні. Расейцы — малайцы, бо яны падтрымліваюць свайго таваравытворцу. Мы таксама зьвярталіся ў сваё патэнтнае ведамства, хацелі зарэгістраваць гэты таварны знак, але нам летась адмовілі. Паспрабуем падаць паўторна. Мы давалі на “Савецкае ігрыстае”, цяпер паспрабуем на “Савецкае” даваць”.
Расейская ініцыятыва атрымала розгалас і ў сьценах беларускага патэнтнага ведамства. Як паведаміў мне начальнік упраўленьня таварных знакаў Нацыянальнага цэнтру інтэлектуальнай уласнасьці Яўген Зінкевіч, яна будзе абмеркаваная на сумеснай сустрэчы зь беларускімі вінаробамі.
