У папярэджаньні, якое падпісаў першы намесьнік міністра юстыцыі Аляксандар Петраш, гаворыцца, што прадстаўнікі партыяў БНФ, АГП і БСДГ на старонках газэты “Народная воля” “незаконна заклікалі грамадзянаў Беларусі 10 чэрвеня ўзяць удзел у несанкцыянаваным пікеце “Ланцуг неабыякавых чытачоў”.
Намесьнік міністра таксама прапанаваў папярэджаным партыям, якія, на ягоную думку, уваходзяць у народную кааліцыю “Пяцёрка плюс”, да 15 жніўня зарэгістраваць гэтае аб’яднаньне. У адваротным выпадку ён пагражае вынесьці паўторнае папярэджаньне, пасьля якога партыі могуць быць ліквідаваныя.
Я паспрабаваў высьветліць у Мінюсьце, ці законныя гэтыя папярэджаньне і патрабаваньне зарэгістраваць кааліцыю і чым яны матываваныя. Але безвынікова. Вось што сказаў у гутарцы са мной начальнік управы рэгістрацыі партыяў і грамадзкіх арганізацыяў Мінюсту Міхаіл Сухінін:
(Сухінін: ) “Нічога не магу адказаць, толькі празь міністра! Вы разумееце, што я клэрк. Без камэнтароў. Не таму, што я дрэнна адношуся да прэсы — я яе кахаю, але не магу нічога. Празь міністра”.
Міністар жа і ягоны намесьнік былі вельмі занятыя і ня мелі часу на размову.
А вось як пракамэнтаваў папярэджаньне старшыня Партыі БНФ Вінцук Вячорка:
(Вячорка: ) “Я думаю, што сынхронная атака на нашыя партыі абумоўленая рэальнай трывогай рэжыму за свой лёс і за самога сябе. І відавочна, Міністэрства юстыцыі атрымала загад з адміністрацыі Лукашэнкі пачаць рыхтаваць зачыстку цяпер ужо палітычнага поля. Ну што ж, гэта толькі пацьвярджае, што ўсё мы робім правільна. І мы гатовыя працягваць сваю працу ў любых варунках”.
Намесьнік старшыні АГП Аляксандар Дабравольскі лічыць, што ніякіх юрыдычных падставаў для папярэджаньня няма, бо на ланцуг у падтрымку “Народнай волі” ніякага дазволу ня трэба, а кааліцыя “Пяцёрка плюс” ёсьць аб’яднаньнем ня партыяў, а асобных грамадзянаў.
А вось меркаваньне ў гэтай справе сябра выканкаму БСДГ Аляксея Караля:
(Кароль: ) “Гэтае папярэджаньне ёсьць у рэчышчы агульнай тактыкі й палітыкі ўладаў на абмежаваньне, а пры пэўных абставінах — на ліквідацыю сваіх апанэнтаў. Яны баяцца свабодных і справядлівых выбараў. І таму на дальніх подступах абмяжоўваюць магчымасьці сваіх апанэнтаў”.
Партыя БНФ зьбіраецца абскарджваць папярэджаньне Мінюсту ў суде, іншыя партыі пакуль думаюць.
Пры канцы чэрвеня Мінюст накіраваў у суд пазоў аб ліквідацыі Партыі працы, якая на думку чыноўнікаў, неаднаразова парушыла беларускае заканадаўства.
Намесьнік міністра таксама прапанаваў папярэджаным партыям, якія, на ягоную думку, уваходзяць у народную кааліцыю “Пяцёрка плюс”, да 15 жніўня зарэгістраваць гэтае аб’яднаньне. У адваротным выпадку ён пагражае вынесьці паўторнае папярэджаньне, пасьля якога партыі могуць быць ліквідаваныя.
Я паспрабаваў высьветліць у Мінюсьце, ці законныя гэтыя папярэджаньне і патрабаваньне зарэгістраваць кааліцыю і чым яны матываваныя. Але безвынікова. Вось што сказаў у гутарцы са мной начальнік управы рэгістрацыі партыяў і грамадзкіх арганізацыяў Мінюсту Міхаіл Сухінін:
(Сухінін: ) “Нічога не магу адказаць, толькі празь міністра! Вы разумееце, што я клэрк. Без камэнтароў. Не таму, што я дрэнна адношуся да прэсы — я яе кахаю, але не магу нічога. Празь міністра”.
Міністар жа і ягоны намесьнік былі вельмі занятыя і ня мелі часу на размову.
А вось як пракамэнтаваў папярэджаньне старшыня Партыі БНФ Вінцук Вячорка:
(Вячорка: ) “Я думаю, што сынхронная атака на нашыя партыі абумоўленая рэальнай трывогай рэжыму за свой лёс і за самога сябе. І відавочна, Міністэрства юстыцыі атрымала загад з адміністрацыі Лукашэнкі пачаць рыхтаваць зачыстку цяпер ужо палітычнага поля. Ну што ж, гэта толькі пацьвярджае, што ўсё мы робім правільна. І мы гатовыя працягваць сваю працу ў любых варунках”.
Намесьнік старшыні АГП Аляксандар Дабравольскі лічыць, што ніякіх юрыдычных падставаў для папярэджаньня няма, бо на ланцуг у падтрымку “Народнай волі” ніякага дазволу ня трэба, а кааліцыя “Пяцёрка плюс” ёсьць аб’яднаньнем ня партыяў, а асобных грамадзянаў.
А вось меркаваньне ў гэтай справе сябра выканкаму БСДГ Аляксея Караля:
(Кароль: ) “Гэтае папярэджаньне ёсьць у рэчышчы агульнай тактыкі й палітыкі ўладаў на абмежаваньне, а пры пэўных абставінах — на ліквідацыю сваіх апанэнтаў. Яны баяцца свабодных і справядлівых выбараў. І таму на дальніх подступах абмяжоўваюць магчымасьці сваіх апанэнтаў”.
Партыя БНФ зьбіраецца абскарджваць папярэджаньне Мінюсту ў суде, іншыя партыі пакуль думаюць.
Пры канцы чэрвеня Мінюст накіраваў у суд пазоў аб ліквідацыі Партыі працы, якая на думку чыноўнікаў, неаднаразова парушыла беларускае заканадаўства.
