Сёньня Парлямэнцкая асамблея Рады Эўропы абрала новага генэральнага сакратара Рады. Ім стаў Тэры Дэвіс – брытанскі парлямэнтар, старшыня палітычнага камітэту Парлямэнцкай асамблеі Рады Эўропы. Напачатку гэтага дзесяцігодзьдзя Дэвіс быў прадстаўніком Рады Эўропы ў “тройцы” эўрапейскіх парлямэнцкіх арганізацыяў па Беларусі. Ён неаднаразова бываў у Беларусі, у 2002 годзе Дэвіс наведваў зьняволенага Юрыя Бандажэўскага. Летась на сэсіі Парлямэнцкай асамблеі АБСЭ Тэры Дэвіс як прадстаўнік Рады Эўропы выступаў за вяртаньне Нацыянальнага сходу Беларусі ў склад Парлямэнцкай асамблеі АБСЭ.