ВАШЫНГТОН. Былы прэзыдэнт ЗША Роналд Рэйган памёр у суботу ў сваім маёнтку ў Каліфорніі. Рэйгану было 93 гады – апошнія 10 гадоў ён цярпеў ад хваробы Альцгаймэра, празь якую практычна страціў памяць. У 1980 годзе 69-гадовы Рэйган стаў найстарэйшым чалавекам з усіх, каго абіралі на пасаду прэзыдэнта ЗША. Пасьля сыходу зь Белага Дому ў 1989 годзе 40-ы прэзыдэнт ЗША разам з жонкаю жыў у сваім маёнтку ў Каліфорніі.