АНКАРА Сёньня пачаўся суд над сябрамі турэцкай філіі “Аль Каеды” паводле абвінавачваньня ў арганізацыі сэрыі тэрактаў у Стамбуле ў лістападзе летась. На лаве падсудных – 69 чалавек. Пракуратура запатрабавала для пяцёх зь іх пажыцьцёвага зьняволеньня. У леташнім лістападзе у выніку выбухаў каля двух сінагогаў, брытанскага кансуляту і прадстаўніцтва брытанскага банку загінуў 61 чалавек, у тым ліку генконсул Велікабрытаніі.