Лінкі ўнівэрсальнага доступу

Алесь Стральцоў пакараны арыштам на 10 сутак


Радыё Свабода Актывіст маладзёвага руху Алесь Стральцоў пакараны судом на 10 сутак арышту. Прысуд вынесла судзьдзя Маскоўскага раённага суду Надзея Равуцкая. Алесь Стральцоў прызнаны вінаватым у тым, што ён нібыта не падпарадкоўваўся загадам міліцыі і нецэнзурна лаяўся.

Нагадаем, малады актывіст быў затрыманы пазаўчора, 17 траўня, каля будынку Маскоўскага раённага суду. Разам зь іншымі актывістамі ён прыйшоў да суду, каб падтрымаць Юрыя Радзівіла, якога ў той час судзілі паводле крымінальнага артыкулу.

Алесь Стральцоў распавёў, што здымаў на фотаапарат момант затрыманьня міліцыянтамі актывісткі Крысьціны Шацікавай, якая таксама прыйшла да будынку суду, каб падтрымаць Юрыя Радзівіла.

Учора Крысьціна Шацікава была аштрафаваная судом, а Зьміцер Дашкевіч і Артур Фінькевіч пакараныя 15-дзённым арыштамі.

Алесь Стральцоў не далі магчымасьці пракамэнтаваць прысуд журналістам. Ён толькі пасьпеў паведаміць, што ў ізалятары на Акрэсьціна тры тыдні няма гарачай вады.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG