У мерапрыемстве прыняла ўдзел блізу паўсотні чалавек. Спачатку шэсьце накіравалася ад прахадной заводу "Крыстал", абвешчанай месцам збору, на дзявяты кілямэтар Чарнігаўскай шашы, дзе яшчэ на пачатку 90-ых пасьля абвяшчэньня незалежнасьці зь ініцыятывы гарсавету быў усталяваны памятны крыж. Прысутныя ўсклалі да крыжа кветкі, запалілі сьвечкі і памаўчалі хвіліну ў памяць ахвяраў сталінізму.
Далей калёна накіравалася глыбей у лес, дзе сёлета былі знойдзеныя так званыя "гомельскія Курапаты" - месца пахаваньня ахвяр рэпрэсіяў 20-30-ых гадоў. Каля крыжа з выяваю Божай маці, што быў усталяваны ўладамі, быў усталяваны помнік з надпісам "Пакутнікам тваім, Беларусь", ускладзеныя кветкі і запаленыя сьвечкі.
Пасьля ўсталяваньня помніка частка удзельнікаў на машынах накіравалася да яшчэ аднаго месца верагодных расстрэлаў - блізу Партызанскае крынічкі, астатнія разышліся. Уся акцыя праходзіла пад наглядам супрацоўнікаў у цывільным, якія рабілі відэаздымкі таго, што падчас яе адбывалася. Паводзілі яны сябе максымальна карэктна і не чынілі ў дачыненьні да ўдзельнікаў шэсьця аніякіх правакацыяў. Затрыманых таксама не было.
Далей калёна накіравалася глыбей у лес, дзе сёлета былі знойдзеныя так званыя "гомельскія Курапаты" - месца пахаваньня ахвяр рэпрэсіяў 20-30-ых гадоў. Каля крыжа з выяваю Божай маці, што быў усталяваны ўладамі, быў усталяваны помнік з надпісам "Пакутнікам тваім, Беларусь", ускладзеныя кветкі і запаленыя сьвечкі.
Пасьля ўсталяваньня помніка частка удзельнікаў на машынах накіравалася да яшчэ аднаго месца верагодных расстрэлаў - блізу Партызанскае крынічкі, астатнія разышліся. Уся акцыя праходзіла пад наглядам супрацоўнікаў у цывільным, якія рабілі відэаздымкі таго, што падчас яе адбывалася. Паводзілі яны сябе максымальна карэктна і не чынілі ў дачыненьні да ўдзельнікаў шэсьця аніякіх правакацыяў. Затрыманых таксама не было.
