Сёньняшняя імпрэза, якую ладзіць у Лёндане “Міжнародная амністыя”, прысьвечаная сытуацыі ў Беларусі. У ёй бярэ ўдзел вядомы пісьменьнік, ганаровы сябра “Міжнароднай амністыі” Том Стопард, які нядаўна наведаў Беларусь.
Герой фільму “Ўрок беларускай мовы”, моладзевы актывіст Франак Вячорка апавёў:
“Першапачаткова мусіў быць паказаны фільм “Плошча” Юр’я Хашчавацкага, і ўдзельнікам імпрэзы мусіў быць Юры Хашчавацкі, аднак “Міжнародная амністыя” пабачыла ў фільме “Плошча” залішнюю палітызаванасьць і нават нейкую палітычную крамолу. І тады яны вырашылі паказаць “Урок беларускай мовы” — як фільм больш прывязаны да правоў чалавека, чым да палітыкі”.
Фільм апавядае пра падзеі 2005—2006 гадоў, падчас прэзыдэнцкіх выбараў у Беларусі. Яго зьняў польскі рэжысэр Міраслаў Дэмбіньскі. Стужка паказвае беларускую рэчаіснасьць вачыма выпускніка зьліквідаванага ўладамі гуманітарнага ліцэю Франака Вячоркі.
“Зьвязана гэта з тым, што я тады заканчваў беларускі ліцэй, а Міраслаў Дэмбіньскі вельмі шчыльна кантактаваў зь ліцэістамі й кіраўніцтвам ліцэю, і ён вырашыў праз маю асобу паказаць усе гэтыя падзеі. І на маім месцы мог апынуцца любы малады чалавек, які сёньня працуе ў Беларусі на карысьць незалежнасьці й свабоды. “Урок беларускай мовы” — гэта ёсьць адкрыцьцё краіны, яе палітычнага, культурніцкага, сацыяльнага жыцьця”, — апавёў Вячорка.
Падчас знаходжаньня ў Лёндане Франак Вячорка сустрэўся з прадстаўнікамі беларускай дыяспары, кіраўніцтвам “Міжнароднай амністыі”, з намесьнікам міжнароднага сакратара партыі кансэрватараў і прадстаўнікамі фракцыі кансэрватараў у брытанскім парлямэнце.
Франак Вячорка паведаміў, што “Міжнародная амністыя” праводзіць шырокую кампанію ў падтрымку палітвязьня Зьмітра Дашкевіча.
Дэманстрацыя фільму “Ўрок беларускай мовы” ў Лёндане адбылася напярэдадні суду над бацькам Франака Вячоркі, старшынём Партыі БНФ Вінцуком Вячоркам.
Герой фільму “Ўрок беларускай мовы”, моладзевы актывіст Франак Вячорка апавёў:
“Першапачаткова мусіў быць паказаны фільм “Плошча” Юр’я Хашчавацкага, і ўдзельнікам імпрэзы мусіў быць Юры Хашчавацкі, аднак “Міжнародная амністыя” пабачыла ў фільме “Плошча” залішнюю палітызаванасьць і нават нейкую палітычную крамолу. І тады яны вырашылі паказаць “Урок беларускай мовы” — як фільм больш прывязаны да правоў чалавека, чым да палітыкі”.
Фільм апавядае пра падзеі 2005—2006 гадоў, падчас прэзыдэнцкіх выбараў у Беларусі. Яго зьняў польскі рэжысэр Міраслаў Дэмбіньскі. Стужка паказвае беларускую рэчаіснасьць вачыма выпускніка зьліквідаванага ўладамі гуманітарнага ліцэю Франака Вячоркі.
“Зьвязана гэта з тым, што я тады заканчваў беларускі ліцэй, а Міраслаў Дэмбіньскі вельмі шчыльна кантактаваў зь ліцэістамі й кіраўніцтвам ліцэю, і ён вырашыў праз маю асобу паказаць усе гэтыя падзеі. І на маім месцы мог апынуцца любы малады чалавек, які сёньня працуе ў Беларусі на карысьць незалежнасьці й свабоды. “Урок беларускай мовы” — гэта ёсьць адкрыцьцё краіны, яе палітычнага, культурніцкага, сацыяльнага жыцьця”, — апавёў Вячорка.
Падчас знаходжаньня ў Лёндане Франак Вячорка сустрэўся з прадстаўнікамі беларускай дыяспары, кіраўніцтвам “Міжнароднай амністыі”, з намесьнікам міжнароднага сакратара партыі кансэрватараў і прадстаўнікамі фракцыі кансэрватараў у брытанскім парлямэнце.
Франак Вячорка паведаміў, што “Міжнародная амністыя” праводзіць шырокую кампанію ў падтрымку палітвязьня Зьмітра Дашкевіча.
Дэманстрацыя фільму “Ўрок беларускай мовы” ў Лёндане адбылася напярэдадні суду над бацькам Франака Вячоркі, старшынём Партыі БНФ Вінцуком Вячоркам.
