Старшыня Берасьцейскай гарадзкой арганізацыі партыі БНФ Зьміцер Шыманскі вылучае некалькі аргумэнтаў на карысьць заснаваньня новай суполкі:
“Перадусім, каб упарадкаваць дастаткова вялікую колькасьць людзей, якая прыйшла да нас пасьля прэзыдэнцкіх выбараў, арганізаваць іх працу ў гарадзкой арганізацыі. Па-другое, у нас усе цяперашнія суполкі, а іх шэсьць, зарэгістраваныя на тэрыторыі Ленінскага раёну Берасьця. А рэгістрацыя новай суполкі ў Маскоўскім раёне дазволіць нам вылучаць і тут назіральнікаў ды кандыдатаў у дэпутаты”.
Сябры новай суполкі абралі сваім лідэрам 25-гадовага Анатоля Ярмака. Ён мае вышэйшую адукацыю, працуе інжынэрам, на мясцовых выбарах быў кандыдатам у дэпутаты Берасьцейскага гарсавету.
“Зараз сабраліся новыя людзі, яны актыўна дзейнічаюць. Спрабуем зарэгістравацца. У такім выпадку, калі плянуюцца пэўныя акцыі, то можна падаваць заяўкі. Спрабаваць зарэгістравацца можна яшчэ і яшчэ. Але дзейнічаць мы будзем”,-- кажа спадар Ярмак.
Над пашырэньнем сваіх арганізацыйных сетак працуюць і ў іншых партыях. Прыліў новых людзей у рэгіёне маюць Аб’яднаная грамадзянская партыя і Беларуская сацыял-дэмакратычная партыя “Грамада”.
Складанасьць у іншым – гэта рэгістрацыя ў мясцовых органах юстыцыі. Хоць чыноўнікі і дэкляруюць ляяльнасьць да ўсіх заяўнікаў. Вось як пракамэнтаваў папярэднія перамовы з прадстаўнікамі апазыцыі кіраўнік управы юстыцыі Берасьцейскага аблвыканкаму Сяргей Каліноўскі.
“Супрацоўнікі гэтым займаюцца. Для ўсіх грамадзкіх аб’яднаньняў у нас роўныя правы. Таму будзем працаваць”.
Але ў сапраўднасьці, кажа старшыня партыі БНФ Вінцук Вячорка, сябры многіх палітычных і грамадзкіх арганізацыяў вымушаныя працаваць у паўлегальных умовах:
“Рэальная колькасьць людзей, якія згуртаваныя і працуюць, значна перавышае колькасьць афіцыйна зарэгістраваных суполак і раённых арганізацый. Трэба памятаць, што мы дзейнічаем ва ўмовах беззаконьня. Што гвалтам былі закрытыя многія суполкі, раённыя структуры нашай і іншых партыяў. А людзі як былі сябрамі партыі, так і надалей застаюцца сябрамі. І ствараем мы таксама суполкі і арганізацыі ў іншых гарадзкіх і сельскіх раёнах. Будзем спрабаваць іх зарэгістраваць. Ну, а калі не зарэгіструюць, то людзі ўся роўна будуць дзейнічаць”,-- заявіў Свабодзе лідэр Партыі БНФ Вінцук Вячорка да таго, як учора ўвечары яго затрымалі байцы спэцназу.
“Перадусім, каб упарадкаваць дастаткова вялікую колькасьць людзей, якая прыйшла да нас пасьля прэзыдэнцкіх выбараў, арганізаваць іх працу ў гарадзкой арганізацыі. Па-другое, у нас усе цяперашнія суполкі, а іх шэсьць, зарэгістраваныя на тэрыторыі Ленінскага раёну Берасьця. А рэгістрацыя новай суполкі ў Маскоўскім раёне дазволіць нам вылучаць і тут назіральнікаў ды кандыдатаў у дэпутаты”.
Сябры новай суполкі абралі сваім лідэрам 25-гадовага Анатоля Ярмака. Ён мае вышэйшую адукацыю, працуе інжынэрам, на мясцовых выбарах быў кандыдатам у дэпутаты Берасьцейскага гарсавету.
“Зараз сабраліся новыя людзі, яны актыўна дзейнічаюць. Спрабуем зарэгістравацца. У такім выпадку, калі плянуюцца пэўныя акцыі, то можна падаваць заяўкі. Спрабаваць зарэгістравацца можна яшчэ і яшчэ. Але дзейнічаць мы будзем”,-- кажа спадар Ярмак.
Над пашырэньнем сваіх арганізацыйных сетак працуюць і ў іншых партыях. Прыліў новых людзей у рэгіёне маюць Аб’яднаная грамадзянская партыя і Беларуская сацыял-дэмакратычная партыя “Грамада”.
Складанасьць у іншым – гэта рэгістрацыя ў мясцовых органах юстыцыі. Хоць чыноўнікі і дэкляруюць ляяльнасьць да ўсіх заяўнікаў. Вось як пракамэнтаваў папярэднія перамовы з прадстаўнікамі апазыцыі кіраўнік управы юстыцыі Берасьцейскага аблвыканкаму Сяргей Каліноўскі.
“Супрацоўнікі гэтым займаюцца. Для ўсіх грамадзкіх аб’яднаньняў у нас роўныя правы. Таму будзем працаваць”.
Але ў сапраўднасьці, кажа старшыня партыі БНФ Вінцук Вячорка, сябры многіх палітычных і грамадзкіх арганізацыяў вымушаныя працаваць у паўлегальных умовах:
“Рэальная колькасьць людзей, якія згуртаваныя і працуюць, значна перавышае колькасьць афіцыйна зарэгістраваных суполак і раённых арганізацый. Трэба памятаць, што мы дзейнічаем ва ўмовах беззаконьня. Што гвалтам былі закрытыя многія суполкі, раённыя структуры нашай і іншых партыяў. А людзі як былі сябрамі партыі, так і надалей застаюцца сябрамі. І ствараем мы таксама суполкі і арганізацыі ў іншых гарадзкіх і сельскіх раёнах. Будзем спрабаваць іх зарэгістраваць. Ну, а калі не зарэгіструюць, то людзі ўся роўна будуць дзейнічаць”,-- заявіў Свабодзе лідэр Партыі БНФ Вінцук Вячорка да таго, як учора ўвечары яго затрымалі байцы спэцназу.