Міністры замежных спраў Эўразьвязу плянуюць абмеркаваць на наступным тыдні дакумэнт аб эканамічных санкцыях супраць Беларусі, падрыхтаваны дыпляматычнай службай ЭЗ. Пра гэта паведамляе агенцтва Delfi, са спасылкай на МЗС Літвы.
У дакладзе літоўскага замежнапалітычнага ведамства, аднак, выказваюцца асьцярогі Вільні адносна названых захадаў.
"У першую чаргу неабходна ўстанавіць мэты такіх захадаў, мадальнасьць і іх магчымае ўзьдзеяньне. Таксама неабходна прадугледзець і выпадкі іх адкліканьня, калі сытуацыя ў Беларусі будзе мяняцца", – гаворыцца ў дакумэнце.
Вільня таксама "не ўхваляе тых эканамічных санкцыяў, з-за якіх могуць пацярпець грамадзяне Беларусі".
На мінулым тыдні шэраг прадстаўнікоў Эўразьвязу заявілі, што Брусэль разглядае ўвядзеньне ў дачыненьні да Беларусі "мэтавых эканамічных санкцыяў".
Паводле афіцыйнага сайту Рады ЭЗ, беларускае пытаньне будзе абмяркоўвацца ў аўторак, 12 красавіка.
У дакладзе літоўскага замежнапалітычнага ведамства, аднак, выказваюцца асьцярогі Вільні адносна названых захадаў.
"У першую чаргу неабходна ўстанавіць мэты такіх захадаў, мадальнасьць і іх магчымае ўзьдзеяньне. Таксама неабходна прадугледзець і выпадкі іх адкліканьня, калі сытуацыя ў Беларусі будзе мяняцца", – гаворыцца ў дакумэнце.
Вільня таксама "не ўхваляе тых эканамічных санкцыяў, з-за якіх могуць пацярпець грамадзяне Беларусі".
На мінулым тыдні шэраг прадстаўнікоў Эўразьвязу заявілі, што Брусэль разглядае ўвядзеньне ў дачыненьні да Беларусі "мэтавых эканамічных санкцыяў".
Паводле афіцыйнага сайту Рады ЭЗ, беларускае пытаньне будзе абмяркоўвацца ў аўторак, 12 красавіка.