Паводле прадстаўніка памежнай службы Гедруса Мішуціса, два чалавекі зь беларускага боку пашкодзілі слупы, на якіх усталяваныя камэры назіраньня, і перарэзалі кабэль.
Прадстаўнік памежнай службы падкрэсьліў, што нават пасьля пашкоджаньня двух слупоў гэты ўчастак не застаўся без кантролю.
«Зь іншых камэр усё відаць», — запэўніў Мішуціс.
У сувязі з інцындэнтам пачалі дасудовыя расьсьледаваньні. Ідзе рамонт пашкоджанай сыстэмы.