Лінкі ўнівэрсальнага доступу

МУС пашырыў «сьпіс экстрэмістаў», дадаўшы туды палітвязьня, які забіў сябе 10 месяцаў таму


Дзьмітры Дудойць
Дзьмітры Дудойць

Зьміцер Дудойць скончыў жыцьцё самагубствам на пачатку 2022 году, пасьля тыдня на «хіміі».

У беларускі «Сьпіс экстрэмістаў» унесьлі загінулага палітвязьня Зьмітра Дудойця, які забіў сябе 10 месяцаў таму, пасьля тыдня на «хіміі».

30 верасьня яго ўнесьлі ў «Пералік грамадзянаў Рэспублікі Беларусь, замежных грамадзянаў ці асобаў без грамадзянства, датычных да экстрэмісцкай дзейнасьці».

Там напісана, што Дудойць нібыта «адбывае пакараньне».

43-гадовага жыхара Смаргоняў асудзілі на 2 гады «хіміі» за камэнтар пра начальніка Ганцавіцкага РАУС Віталя Куляшова. Свой тэрмін ён адбываў у Магілёве. 5 студзеня 2022 году стала вядома, што Дудойць скокнуў з моста ў Магілёве і разьбіўся. Гэта адбылося, калі ён вяртаўся ў папраўчую ўстанову з паліклінікі.

Усяго ў «экстрэмісцкім сьпісе» цяпер 165 чалавек.

Пасьля публікацыі навіны 3 кастрычніка ў сьпіс ўнесьлі зьмены, дадаўшы, што Зьміцер Дудойць памёр.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG