Лінкі ўнівэрсальнага доступу

Кітай пачне вучэньні, каб адпрацаваць акружэньне Тайваню


Кітайскія вайсковыя гелікоптэры, 4 жніўня 2022 г.
Кітайскія вайсковыя гелікоптэры, 4 жніўня 2022 г.

Армія Кітаю абвясьціла аб правядзеньні вучэньняў, мэтай якіх будзе адпрацаваць акружэньне востраву Тайвань.

Як паведамляе South China Morning Post, дата заканчэньня вучэньняў не называецца. Міжнародныя назіральнікі мяркуюць, што КНР можа зрабіць маштабныя вайсковыя вучэньні ў раёне Тайваню рэгулярнымі.

Раней узброеныя сілы Тайваню пачалі артылерыйскія вучэньні з баявымі знарадамі. Яны трэнаваліся ў адбіцьці нападу на востраў. Улады Тайваню заявілі, што Кітай падчас сваіх вучэньняў імітуе атаку на выспу.

4 жніўня Кітай пачаў вайсковыя вучэньні з баявой стральбой у шасьці акваторыях вакол Тайваню пасьля візыту на востраў сьпікера палаты прадстаўнікоў ЗША Нэнсі Пэлосі. Яна стала самым высокапастаўленым амэрыканскім палітыкам, які прыляцеў на востраў за апошнія 25 гадоў. Кітайскі МЗС папярэджваў, што Пэкін ацэніць візыт як падрыў свайго сувэрэнітэту. Вучэньні скончыліся ў нядзелю 7 жніўня, аднак ужо 8 жніўня Кітай аб’явіў аб правядзеньні новых.

  • Улады Кітаю лічаць Тайвань сваёй тэрыторыяй і дэкляруюць намер узьяднацца зь ёй. ЗША не прызнаюць Тайвань незалежнай дзяржавай, як і большая частка краінаў ААН, аднак выступаюць рэзка супраць пагрозаў Кітаю далучыць выспу сілай.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG