Сёньня — Міжнародны дзень памяці ахвяраў Галакосту
Дзень у гісторыі
1527 — войска ВКЛ на чале з Канстанцінам Астроскім разьбіла крымскіх татараў у бітве на рацэ Альшаніцы (паміж Каневам і Кіевам).
1880 — Томас Эдысан запатэнтаваў электрычную лямпачку.
1906 — Іван Пуліхаў разам з Аляксандрай Ізмайловіч зрабіў замах на менскага губэрнатара Паўла Курлова.
1913 — у Вільні адбылася першая пастаноўка камэдыі Янкі Купалы «Паўлінка».
1944 — была зьнятая блякада Ленінграду.
1945 — канцэнтрацыйны лягер Аўшвіц-Біркенаў быў заняты савецкімі войскамі.
1973 — было заключана Парыскае пагадненьне аб спыненьні вайны ў Віетнаме.
У гэты дзень нарадзіліся
1756 — Вольфганг Амадэй Моцарт, аўстрыйскі кампазытар.
1832 — Льюіс Кэрал, ангельскі пісьменьнік, матэматык і фатограф.
1904 — Іван Чымбург, беларускі філёзаф-марксіст, рэктар БДУ.
1935 — Зіновій Бабій, беларускі опэрны сьпявак.
1948 — Міхаіл Барышнікаў — артыст балету, балетмайстар.
У памяці
1901 — Джузэпэ Вэрдзі, італьянскі кампазытар.
1927 — блаславёны Юры Матулевіч, рымска-каталіцкі дзяяч Беларусі, Літвы й Польшчы. Біскуп (пазьней арцыбіскуп) Віленскі, аднавіў і ўзначаліў ордэн марыянаў, заснаваў кляштар марыянаў у Друі.
1983 — Луі дэ Фюнэс, францускі актор.
2003 — Ніна Абрамчык, беларуская грамадзка-палітычная дзяячка, пісьменьніца.
2010 — Джэром Дэвід Сэлінджэр, амэрыканскі пісьменьнік.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў