Лінкі ўнівэрсальнага доступу

Затрымалі мянчанку, якая за грошы абяцала «мяккія» тэрміны па «наркатычным артыкуле»


Ілюстрацыйнае фота

Жанчыну затрымалі за махлярства і падбухторваньне да хабару.

34-гадовую мянчанку падазраюць у тым, што яна выманьвала грошы ў сваякоў зьняволеных, паведамляе МУС Беларусі.

Жанчына рэгістравалася ў сацсетках пад рознымі імёнамі і ўступала ў групы, у якіх камунікавалі сваякі падазраваных і асуджаных за незаконны абарот наркотыкаў.

Яна прапаноўвала палепшыць умовы адбываньня пакараньня: больш мяккі прысуд, замену рэжыму, перавод у іншую папраўчую ўстанову. Затрыманая хвалілася знаёмствам з сілавікамі, хаця такіх сувязяў у яе не было.

Больш за 10 чалавек паверылі ёй і перадалі ёй агулам больш за 30 тысяч рублёў з 2017 году да вясны 2021 году. Раней жанчыну судзілі за гандаль людзьмі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG