Мэмарыяльны комплекс «Берасьцейская крэпасьць-герой» узнагароджаны ордэнам Францыска Скарыны. Адпаведны ўказ падпісаў сёньня Аляксандар Лукашэнка, паведамляе БелТА са спасылкай на ягоную прэсавую службу.
Узнагародай крэпасьць адзначаная «за значныя дасягненьні ў захаваньні гістарычнай спадчыны, увекавечаньні памяці ўдзельнікаў Вялікай Айчыннай вайны, патрыятычным выхаваньні дзяцей і моладзі, а таксама ў сувязі з 50-годзьдзем з дня заснаваньня мэмарыяльнага комплексу».
