Лінкі ўнівэрсальнага доступу

Сьпявачка Вера Брэжнева падала пазоў да гандлёвага дому «Палесьсе»


Ілюстратыўнае фота.
Ілюстратыўнае фота.

Сьпявачка лічыць, што там незаконна выкарысталі яе фанаграму.

Суд заплянаваны на 6 кастрычніка. Інфармацыя пра паседжаньне зьявілася на сайце Вярхоўнага суду.

У ролі пазоўніка выступае Вера Віктараўна Кіперман (сапраўднае імя Веры Брэжневай). У Беларусі яе інтарэсы будзе прадстаўляць Беларускае таварыства аўтараў, выканаўцаў і іншых праваўладальнікаў.

Праз суд яны плянуюць спагнаць зь менскага ЗАТ «Гандлёвы дом „Палесьсе“» кампэнсацыю ў сувязі з парушэньнем выключнага права на аб’екты сумежных правоў.

У камэнтары парталу «Онлайнер» прадстаўнікі БТАВП адзначылі, што прэтэнзія паўстала па факце незаконнага выкарыстаньня фанаграмы.

Сума кампэнсацыі, якую хоча атрымаць Вера Брэжнева, не афішуецца.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG