Як паведамляе Праваабарончы цэнтар «Вясна», ён знаходзіўся ў пасёлку Чырвоная Луга Белгародзкай вобласьці — там яго і затрымалі. Вадзіма могуць экстрадаваць у Беларусь, дзе яго чакаюць органы сьледзтва.
Раней у Расеі затрымалі байца ММА Аляксея Кудзіна, кікбаксэра Яўгена Шыбалюка, антыфашыста зь Берасьця Андрэя Казімірава. На ўсіх траіх у Беларусі заведзеныя справы за ўдзел у пратэстах.
У красавіку стала вядома пра затрыманьне ў Расеі літаратара і палітоляга Аляксандра Фядуты і юрыста Юрася Зянковіча, які мае грамадзянствы Беларусі і ЗША. Абодвух трымаюць у СІЗА КДБ, як і старшыню Партыі БНФ Рыгора Кастусёва.