Журналіст і музыкант Алесь Дзянісаў раніцай пайшоў на допыт ва УУС Горадзенскага аблвыканкаму на допыт аб той жа сытуацыі, што і журналіст Ян Роман, якога затрымалі 17 сакавіка.
Пра гэта Дзянісаў напісаў у сваім фэйсбуку.
Допыт праводзіў Аддзел па барацьбе з эканамічнымі злачынствамі. Дзянісаў хадзіў на яго без адваката. Пасьля допыту музыка вярнуўся дадому і сказаў, што пакуль ня мае статусу ў дадзенай справе. Сьледчыя органы праводзяць праверку фінансаваньня масавых пратэстаў.
Учора дома ў Дзянісава прайшоў агляд, забралі тэхніку: некалькі ноўтбукаў і мабільных тэлефонаў. На момант прыходу міліцыі дома была толькі 18-гадовая дачка, у яе прысутнасьці і праводзілі агляд.
Яна Романа затрымалі на вуліцы, дома правялі агляд, забралі тэхніку. Вядома, што яго дапытвалі ў сувязі з тым, што ён нібыта сплаціў штрафы за дзьвюх асобаў, якія ўдзельнічалі ў пратэстах. На Романа не завялі справы, ён ня мае статусу, праводзіцца праверка.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў