Лінкі ўнівэрсальнага доступу

У Расеі папярэдне прынялі законапраект, які уводзіць крымінальную адказнасьць за параўнаньне СССР і нацысцкай Нямеччыны


Дзяржаўная дума Расеі 16 сакавіка прыняла ў другім чытаньні законапраекты аб адміністрацыйнай і крымінальнай адказнасьці за абразу вэтэранаў Другой сусьветнай вайны, прыраўноўваньне СССР да нацысцкай Нямеччыны і адмаўленьне рашэньняў Нюрнбэрскага трыбуналу.

Максымальны тэрмін пазбаўленьня волі за гэтыя парушэньні будзе складаць да пяці гадоў у калёніі.

Законапраекты прыраўноўваюць абразу вэтэранаў або паклёп супраць іх да рэабілітацыі нацызму. Дакумэнт быў прапанаваны дэпутаткай Ірынай Яравой на фоне судовага працэсу супраць апазыцыянэра Аляксея Навальнага. Той абвінавачваўся ў паклёпе супраць актора, які зьняўся ў рэклямным відэа дзяржаўнага каналу RT і аказаўся вэтэранам Другой сусьветнай вайны.

Паводле падліку Міністэрства працы Расеі, жывых вэтэранаў-франтавікоў у краіне ў 2019 годзе было каля 75 тысяч. Асобаў, якія маюць статус вэтэранаў, хоць яны і не ваявалі, значна больш.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG