Лінкі ўнівэрсальнага доступу

У Чачэрску бацька пабітага вучня адмовіўся ад прэтэнзій, бо дзеці настаўніцы зьбіраюцца стаць міліцыянтамі


Школа № 2 у Чачэрску
Школа № 2 у Чачэрску

Міліцыя Чачэрску не завяла крымінальную справу супраць настаўніцы, якая ўдарыла вучня аб парту. Бацька заявіў, што на сям’ю «ніхто ня ціснуў», а ягоны сын дагэтуль мае праблемы са здароўем.

У Чачэрску завяршылася праверка ў дачыненьні да настаўніцы, якая ўдарыла на ўроку школьніка, пасьля чаго той трапіў у шпіталь. У міліцыі прызналі, што ў дзеяньнях настаўніцы «ўгледжваецца склад дзеяньня, якое крымінальна караецца», як прадугледжана артыкулам 153 Крымінальнага кодэксу Рэспублікі Беларусь. Аднак з агаворкай — гэты артыкул адносіцца да спраў «прыватна-публічнага абвінавачваньня», піша Tut.by.

У такіх выпадках крымінальную справу заводзяць толькі па заяве асобы, якая пацярпела ад злачынства. А бацька школьніка адмовіўся ад прэтэнзій да настаўніцы, пра гэта сказаў афіцыйны прадстаўнік УУС Гомельскага аблвыканкаму Віталь Прыстромаў.

Бацька пацярпелага хлопчыка сказаў, што на сям’ю ніхто ня ціснуў, але стала «шкада чалавека».

«У яе дзеці зьбіраюцца ў міліцыю ісьці, могуць быць праблемы — не хачу ламаць ім лёс. Дый сама яна раскаялася і прасіла прабачэньня».

Ён расказаў, што наступствы траўмы сын адчувае дасюль: у хлопца часта баліць галава, давялося на паўгода разьвітацца са спортам. Дзіця назіраецца ў нэўрапатоляга.

Што адбылося

18 студзеня пасьля ўрокаў вучань 6-й клясы чачэрскай школы апынуўся ў шпіталі. У дзіцяці дыягнаставалі ўдар ілба і чэрапна-мазгавую траўму.

Як высьветлілася, на ўроку паміж школьнікам і настаўніцай беларускай мовы і літаратуры адбыўся канфлікт. Хлопец сышоў дадому, і там родныя заўважылі, што зь ім нешта ня тое. Хлопчык расказаў бабулі, што ў клясе ўсе шумелі і ў нейкі момант настаўніца ўзяла яго за шыю і ўдарыла аб парту галавой.

У шпіталі хлопец правёў тыдзень.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG