Лінкі ўнівэрсальнага доступу

Больш за 10 тысяч чалавек былі на пахаваньні рабіна родам зь Берасьця, нягледзячы на локдаўн у Ізраілі


Малітва на Аліўнай гары ў Ерусаліме. Ілюстрацыйнае фота

Больш за 10 тысяч чалавек узялі ўдзел у жалобным шэсьці пасьля сьмерці аднаго зь лідэраў артадаксальнай рэлігійнай супольнасьці ў Ізраілі, нягледзячы на суворыя карантынныя меры ў краіне.

99-гадовы рабін Мэшулам Давід Салавейчык, які нарадзіўся ў Берасьці ў 1921 годзе, памёр у ноч на 31 студзеня ад заражэньня каранавірусам перад сьвятам Ханукі ў сьнежні.

СМІ адзначаюць, што большасьць удзельнікаў пахавальнай працэсіі ў Ерусаліме, якая паводле правілаў локдаўну не павінна было адбыцца, не карысталася маскамі. Паліцыя патлумачыла, што не змагла ўжыць свае паўнамоцтвы падчас гэтага маршу артадаксальных вернікаў.

«Што мы можам зрабіць у такой сытуацыі? Увайсьці з кавалерыяй і вадамётамі і спыніць пахавальнае шэсьце? Парушэньне закону ёсьць парушэньне закону, але, беручы пад увагу, штó адбываецца падчас такіх падзеяў, нельга вырашыць, што добра, а што дрэнна. Трэба вырашаць, што дрэнна, а што яшчэ горш», — цытуюць СМІ прэс-сакратара ерусалімскай паліцыі.

Нягледзячы на локдаўн і даволі шырокую кампанію вакцынацыі супраць каранавірусу, у Ізраілі адзначаецца прыблізна 6000 новых выпадкаў заражэньня каранавірусам у дзень. Гэта адзін з самых высокіх паказьнікаў заражэньня ў разьвітых краінах сьвету.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG