Фонд «Страна для жизни» пачаў «пры падтрымцы Сяргея і Сьвятланы Ціханоўскіх» дапамагаць валянтэрам і актывістам. Фінансавай падтрымкай забясьпечаць і сем’і зьняволеных, піша тэлеграм-канал фонду.
У фондзе адзначылі, што падтрымліваць будуць ня толькі саміх валянтэраў і актывістаў — сродкі накіруюць таксама іх сем’ям і дзецям, «бо многія дзеці ня бачаць кагосьці з бацькоў ужо некалькі месяцаў».
Ініцыятыва абяцае ўсебаковую дапамогу беларусам, якія апынуліся ў складаным матэрыяльным становішчы ў сувязі з удзелам у пратэставай дзейнасьці супраць дыктатуры. Матэрыяльную дапамогу абяцаюць і для сямей арыштаваных валянтэраў, актывістаў і палітзьняволеных.
Агулам фонд «Страна для жизни» вызначыў пяць кірункаў дапамогі. Гэта
- грашовая падтрымка валянтэраў, актывістаў і іхных сем'яў,
- дапамога пры паступленьні ў замежныя ВНУ,
- візавая падтрымка,
- перадачы і лісты ў месцы зьняволеньня,
- аплата штрафаў і паслуг адвакатаў пацярпелым ад рэжыму Лукашэнкі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў