Лінкі ўнівэрсальнага доступу

Літва паінфармавала МАГАТЭ аб скарачэньні паставак электраэнэргіі Беларусі


Астравецкая АЭС

З наступнага году Літва ня будзе пастаўляць Беларусі рэзэрву электраэнэргіі —100 мэгават — у сувязі з завяршэньнем будаўніцтва Беларускай АЭС.

Міністар энэргетыкі Літвы Жыгімонтас Вайчунас сказаў, што інфармаваў пра гэта гендырэктара МАГАТЭ Рафаэля Гросі. Да канца верасьня аб гэтым будзе паінфармаваны і Менск, папярэджаньні якому высылаліся і раней.

Гэтую рэзэрву Літва абавязалася падаваць па дамове аб постсавецкім энэргетычным кальцы БРЭЛЛ (Беларусь, Расея, Эстонія, Літва і Латвія), зь якога выйдзе да 2025 году.

Балтыйскія краіны рыхтуюцца блякаваць прыход электраэнэргіі зь БелАЭС на свае рынкі. Літва крытыкуе бясьпеку праекту БелАЭС. Беларусь адхіляе крытыку, паведамляе Інтэрфакс.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG