Лінкі ўнівэрсальнага доступу

Кіраўнік МЗС Даніі: Беларускія сілавікі напалі на дацкага журналіста


Флэшкі з рабочымі матэрыяламі таксама забіралі ў фатографаў
Флэшкі з рабочымі матэрыяламі таксама забіралі ў фатографаў

Міністар замежных справаў Даніі Епэ Кофад паведаміў пра напад беларускіх сілавікоў на дацкага журналіста. Ён не назваў імя пацярпелага і не паведаміў падрабязнасьцяў таго, дзе і як адбыўся напад.

«Я толькі што пачуў, што ў Беларусі напалі на дацкага журналіста. Гэта абсалютна недапушчальна, — сказаў Кофад. — Данія асуджае напад сілавікоў беларускага рэжыму на прадстаўнікоў прэсы і мірных дэманстрантаў. Данія мае намер узьняць гэтае пытаньне ў ЭЗ: трэба даць выразны, калектыўны і пасьлядоўны адказ на гэтыя дзеяньні».

15 жніўня ў ЭЗ правядзе экстраны саміт для абмеркаваньня сытуацыі ў Беларусі. Ня выключана, што на ім прымуць рашэньне аб санкцыях супраць прэзыдэнта Аляксандра Лукашэнкі і кіраўнікоў беларускіх сілавых структураў.

За час пратэстаў у Беларусі былі збітыя і затрыманыя дзясяткі журналістаў — як беларускіх, так і замежных. Паведамляецца, што сілавікі забіраюць у журналістаў пасьведчаньні і акрэдытацыю, а таксама выдаляюць карты памяці з абсталяваньня.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG