Ці праўда, што за 30 гадоў насельніцтва краінаў-суседак зьменшылася больш, чым у Беларусі?

Насамрэч

Хутчэй падман.

Зьніжэньне колькасьці насельніцтва ў Латвіі, Літве і Ўкраіне за 30 гадоў сапраўды было большае, чым у Беларусі. Але пераважна яно адбылося за кошт эміграцыі — з гэтых краінаў шмат людзей зьехала. Але яны ня зьніклі і могуць вярнуцца дамоў.

Пры гэтым у дзьвюх іншых суседак Беларусі зьніжэньне колькасьці насельніцтва было значна меншае. Насельніцтва Расеі ў 1990 годзе складала 147 665 мільёнаў чалавек, сёлета — 146 748 мільёнаў чалавек: зьніжэньне на 0,7%, менш як на 1%.

Насельніцтва Польшчы 30 гадоў таму складала 37 960 мільёнаў чалавек, у 2020 годзе — 37 846 мільёнаў чалавек, зьніжэньне — на 0,4%, менш як на 1%.

Гэтае зьніжэньне колькасьці насельніцтва ў суседак Беларусі ў шмат разоў меншае, чым у Беларусі.