Ці праўда, што Беларусь трапіла ў дзясятку краінаў Эўропы з найбольшым пашырэньнем COVID-19?

Насамрэч

Чыстая праўда.

Прадстаўнік САЗ гаварыў аб прыросьце колькасьці выпадкаў інфікаваньня каранавірусам. Але ў Беларусі даволі вялікая і агульная колькасьць хворых на COVID-19.

Паводле сайту worldometers.info, на 28 траўня ў Беларусі налічвалася 39 858 інфікаваных з пачатку пандэміі. У гэтым паказьніку Беларусь – на 23-м месцы ў сьвеце (сярод 214 краінаў і тэрыторыяў) і на 9-м месцы ў Эўропе (сярод 50 краінаў).

Больш, чым у Беларусі, хворых на каранавірус у Расеі, Гішпаніі, Вялікай Брытаніі, Італіі, Францыі, Нямеччыне, Бэльгіі і Галяндыі.

Усе гэтыя краіны маюць больш насельніцтва, чым Беларусь – ад Расеі, дзе прыкладна 146 мільёнаў чалавек, да Бэльгіі, дзе жывуць 11,5 мільёна.