Лінкі ўнівэрсальнага доступу

Генэральны пракурор ЗША скрытыкаваў Apple за супрацоўніцтва з Кітаем і Расеяй


Генэральны пракурор ЗША Ўільям Бар
Генэральны пракурор ЗША Ўільям Бар

Генэральны пракурор ЗША Ўільям Бар скрытыкаваў карпарацыю Apple за супрацоўніцтва з Кітаем і Расеяй. Паводле Бара, кампанія садзейнічае цэнзуры ў гэтых краінах і гатовая выконваць любыя патрабаваньні аўтарытарных рэжымаў.

У размове з прэсай Бар расказаў пра выпадак, калі Apple адмовілася разблякаваць тэлефон забітага курсанта з Саудаўскай Арабіі, які адкрыў страляніну на вайсковай базе ў ЗША ў Флорыдзе. Тады загінулі тры чалавекі. Генэральны пракурор сказаў, што карпарацыя адмовілася дапамагчы, нягледзячы на просьбу прэзыдэнта ЗША Дональда Трампа. Пры гэтым, паводле Бара, кампанія супрацоўнічала з уладамі Кітаю і Расеі і перанесла свае дата-цэнтры, каб даць уладам «магчымасьць масавага сачэньня».

Apple у адказ заявіла, што пасьля нападу на вайсковай базе ўлады атрымалі ад карпарацыі ўсю неабходную інфармацыю, у тым ліку дадзеныя транзакцый і ўліковага запісу. У кампаніі адзначылі, што не захоўваюць паролі карыстальнікаў і ня могуць разблякаваць прылады, абароненыя паролем.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG