Лінкі ўнівэрсальнага доступу

Эстонія прыпыняе авіязносіны зь Беларусьсю ў сувязі з пагрозай COVID-19. Куды «Белавія» яшчэ лятае? 


Boeing 737-300 of Belavia branded by World of Tanks computer game

18 траўня Эстонія спыняе авіязносіны з краінамі, дзе высокая рызыка заражэньня COVID-19, паведамляе партал Delfi.

Каранавірус у Беларусі і ў сьвеце. Як разьвіваюцца падзеі >>

У гэтым пераліку Беларусь, Бэльгія, Вялікая Брытанія, Данія, Расея, Турэччына, Швэцыя. Адпаведнае распараджэньне падпісаў міністар эканомікі і камунікацый Эстоніі Тааві Аас.

Забарона на палёты будзе дзейнічаць да 7 чэрвеня, пасьля чаго кіраўніцтва дзяржавы зноў ацэніць мэтазгоднасьць неабходнасьць абмежаваньняў.

У той жа час Эстонія зьбіраецца аднавіць авіязносіны з краінамі, дзе ўзровень заражэньня зьведзены да мінімуму — ня больш за 25 інфікаваных на 100 тысяч насельніцтва за апошнія два тыдні. Гэта Аўстрыя, Нарвэгія, Нямеччына, Польшча. У Беларусі штодзённы прырост складае блізу 1000 чалавек, агульная колькасьць хворых набліжаецца да 30 000.

Палёты зь Менска ў Талін ажыцьцяўляе кампанія «Белавія». Да 21 траўня самалёты па гэтым маршруце яшчэ будуць лятаць, каб вывезьці ўсіх ахвотных.

Тым ня менш зь Менску яшчэ можна трапіць у шэраг замежных сталіц і буйных гарадоў. У прыватнасьці, засталіся ці аднавіліся зносіны з Амстэрдамам, Бэрлінам, Венай, Ерэванам, Жэнэвай, Лёнданам, Мілянам, Прагай, Рымам, Мюнхенам, Тэль-Авівам, Тбілісі, Парыжам, Стакгольмам, Франкфуртам, Хэльсынкі.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG